ရန်ကုန်၊ ဇွန် ၁၃ ရက် (ဆင်ဟွာ)

အခြေခံပညာ Grade-1 မှ Grade-9 အထိ အောင်စာရင်းများကို ဇွန် ၁၃ ရက်တွင် ထုတ်ပြန်ခဲ့ပြီး ကျောင်းသားအများစုအောင်မြင်ခဲ့ကြောင်းနှင့် တက္ကသိုလ်ဝင်တန်းစာမေးပွဲ အဖြေလွှာများအား စစ်ဆေး လျက်ရှိကြောင်း ပညာရေးဝန်ကြီးဌာန၊ အခြေခံပညာဦးစီးဌာန၊ ညွှန်ကြားရေးမှူးချုပ် ဦးကိုလေးဝင်းက ဇွန် ၁၃ ရက်တွင် ဆင်ဟွာသို့ ပြောကြားသည်။

နေပြည်တော်၊ဇွန် ၁၂ ရက် (ဆင်ဟွာ)

၂၀၂၀ တက္ကသိုလ်ဝင် စာမေးပွဲအောင်စာရင်းအား အမြန်ဆုံး ထုတ်ပြန်နိုင်ဖို့ စီစဉ်နေကြောင်း၊ သြဂုတ်လ နောက်ပိုင်းတွင် ဖြစ်နိုင်ကြောင်းနှင့် အောင်စာရင်း မထုတ်ပြန်ခင် ထုတ်ပြန်မည့်နေ့ကို သတင်းဌာနများသို့ကြိုတင်အသိပေးမည်ဖြစ်ကြောင်း၊ ထုတ်ပြန်သည့် အချိန်တွင် COVID-19 အခြေ အနေအရ social distancing လိုအပ်နေဆဲ ဖြစ်ပါက ဝက်ဘ်ဆိုဒ်တစ်မျိုးတည်းမှာသာ ထုတ်ပြန် မည်ဖြစ်ကြောင်းနှင့် social distancing မလိုအပ်သည့် အခြေအနေဖြစ်လျှင် ယခင်နှစ်များ ကဲ့သို့ ပုံမှန်အတိုင်း ထုတ်ပြန်ပေးမည် ဖြစ်ကြောင်း ပညာရေး ဝန်ကြီးဌာန ပြည်ထောင်စု ဝန်ကြီး ဒေါက်တာ မျိုးသိမ်းကြီး ဦးဆောင်သည့် သတင်းထုတ်ပြန်ရေးအဖွဲ့က ယနေ့ ညနေပိုင်း ပြောကြားခဲ့သည်။

ရန်ကုန်၊ မေ ၃၀ ရက် (ဆင်ဟွာ) 

ချင်းပြည်နယ် ထန်တလန်မြို့၌ ၂၀၂၀ ပြည့်နှစ် ဖေဖော်ဝါရီလ မှ မေ ၂၉ ရက် ညနေအထိ Porcine Circovirus Type-2 (PCV-2) ဝက်အားနည်းရောဂါကြောင့် ဝက် ၁၈၇ ကောင် သေဆုံးမှုဖြစ်ပွား ခဲ့ပြီး တစ်ပတ်အတွင်း ထပ်မံရောဂါကူးစက်ခံရသည့် ဝက်ကောင်ရေ ၁၃ ကောင်ရှိကြောင်း၊ ထန်တလန် မြို့နယ်မွေးမြူရေးနှင့် ကုသရေးဦးစီးဌာနရုံးမှ လက်ထောက်ကြီးကြပ်ရေးမှူး ဦးလျန်ဘွေးက ဆင်ဟွာကို မေ ၃၀ ရက်တွင်ပြောသည်။

ရန်ကုန်၊ မေ ၂၈ ရက် (ဆင်ဟွာ) 

အခြေခံပညာ Grade-1 မှ Grade-9 အထိ အောင်စာရင်းများကို ဇွန်လဒုတိယပတ် နောက်ပိုင်းတွင်ထွက်ရှိနိုင်ရန် လျာထားဆောင်ရွက်လျက်ရှိပြီး၊ တက္ကသိုလ်ဝင်တန်းစာမေးပွဲ အဖြေလွှာများ ကို ဇွန် ၅ ရက်တွင် စတင်စစ်ဆေး သွားမည်ဖြစ်ကြောင်း ပညာရေးဝန်ကြီးဌာန၊ အခြေခံပညာဦးစီးဌာန၊ ညွှန်ကြားရေးမှူးချုပ် ဦးကိုလေးဝင်းက မေ ၂၈ ရက်တွင် ဆင်ဟွာသို့ ပြောကြားသည်။

နေပြည်တော်၊ မေလ ၂၁ ရက်(ဆင်ဟွာ)

အခြေခံပညာကျောင်းများအား ဇူလိုင်လလယ်တွင် ပြန်လည် ဖွင့်လှစ်သွားမည်ဟု ပညာရေး ဝန်ကြီးဌာန၊ အခြေခံပညာဦးစီးဌာန ဒုတိယ ညွှန်ကြားရေးမှူးချုပ် ဒေါက်တာ တင်မောင်ဝင်း (ပညာ)က ယနေ့ ညနေပိုင်း ပြုလုပ်သော အွန်လိုင်း သတင်းစာရှင်းလင်းပွဲ၌ မီဒီယာ၏ အမေးကို ဖြေကြားရာတွင် ထည့်သွင်း ပြောကြားခဲ့သည်။

ရန်ကုန်၊ မေ ၂၀ ရက် (ဆင်ဟွာ) 

မြန်မာတစ်နိုင်ငံလုံးရှိ ပြည်သူ့ဆေးရုံများတွင်  မေ ၁၈ ရက် မှစတင်၍ အသက်၁နှစ်ခွဲအောက်ကလေး ငယ်များအား ပုံမှန်ကာကွယ်ဆေးထိုးလုပ်ငန်းများပြန်လည်ထိုးနှံပေးနေပြီဖြစ်ကြောင်း၊  ဒေသန္တရ/မိခင်ကလေး/ကျေးလက်ကျန်းမာရေးဌာနများနဲ့ ကျေးလက်ကျန်းမာရေးဌာနခွဲ/ ရပ်ကွက်/ကျေးရွာ/လူအုပ်စုအသီးသီးတွင်  ဇွန်လ (၁) ရက်မှစ၍ လစဉ်ပုံမှန်ထိုးနှံပေးသွားမည်ဖြစ်ကြောင်း ကျန်းမာရေး နှင့် အားကစားဝန်ကြီးဌာန၊ တိုးချဲ့ ကာကွယ်ဆေးထိုးလုပ်ငန်း မှ လက်ထောက်ညွှန်ကြားရေးမှူး ဒါက်တာနှင်းနွယ်နီအေး က မေ ၂၀ ရက်တွင် ပြောသည်။ 

ရန်ကုန်၊ မေ ၁၃ ရက် (ဆင်ဟွာ) 

တရားဝင်မှတ်ပုံတင်ထားခြင်းမရှိသော ရာသီတုပ်ကွေးကာကွယ်ဆေးဖြစ်သော  Fluarix Tetra 2020 Influenza Vaccine အမည်ဖြင့် တုပ်ကွေးရောဂါကာကွယ်ဆေးတစ်မျိုး သည်  ဘေးအန္တရာယ်ကင်းရှင်းမှု အာမခံချက် မရှိသောကြောင့် ပြည်သူများအန္တရာယ်ရှိနိုင်သည့် အတွက် စစ်ဆေးမှုများဆောင်ရွက်လျက်ရှိကြောင်း ကျန်းမာရေး နှင့် အားကစားဝန်ကြီးဌာန၊ အစားအသောက် နှင့် ဆေးဝါးကွပ်ကဲရေးဦးစီးဌာန ညွှန်ကြားရေးမှူးချုပ် ပါမောက္ခဒေါက်တာခင်ဇော် က ဆိုသည်။ 

 

ရန်ကုန်၊ မေ  ၇ ရက် (ဆင်ဟွာ)

ကျန်းမာရေး နှင့် အားကစားဝန်ကြီးဌာန၊ အစားအသောက် နှင့် ဆေးဝါးကွပ်ကဲရေးဦးစီးဌာန အနေဖြင့်၂၀၂၀ပြည့်နှစ်  ဧပြီလ အတွင်း စားသုံးရန်မသင့်သည့် အစားအသောက် အမှတ်တံဆိပ် ၂၃ မျိုးအား ထုတ်ပြန်ကြေညာခဲ့ကြောင်း အစားအသောက် နှင့် ဆေးဝါးကွပ်ကဲရေး ဦးစီးဌာန၊ ညွှန်ကြားရေးမှူးချုပ် ပါမောက္ခဒေါက်တာခင်ဇော်က မေ ၇ ရက်တွင် ဆင်ဟွာ ကိုပြောသည်။

ရန်ကုန်၊ မေ ၄ ရက် (ဆင်ဟွာ)

၂၀၂၀ပြည့်နှစ် ကျောင်းဖွင့်ချိန် တွင် COVID-19 ရောဂါ ကြောင့် အွန်လိုင်းစနစ်ဖြင့် သင်ကြားမည် ဟု ပြင်ပ တွေ ပြောဆိုနေကြခြင်းသည် စဉ်းစားသည့်အချက်များထဲမှ အချက်တစ်ခုသာဖြစ်ကြောင်း၊ ပညာရေးဝန်ကြီးဌာန အနေဖြင့် တစ်ခြားနိုင်ငံ များ ၏ လုပ်ပုံလုပ်နည်းအားလေ့လာ၍ မြန်မာနိုင်ငံ နှင့် ကိုက်ညီမည့် သင်ကြားမှုနည်းလမ်း အားရွေးချယ် ၍  တရားဝင်သတင်းများ ထုတ်ပြန်ပေးသွားမည်ဖြစ်ကြောင်း ပညာရေးဝန်ကြီးဌာန မှ ညွှန်ကြားရေးမှူးချုပ် ဦးကိုလေး ဝင်းက ဆင်ဟွာသို့မေ ၄ ရက်တွင် ပြောသည်။ 

နေပြည်တော်၊ ဧပြီ ၆ ရက်(ဆင်ဟွာ)

နေပြည်တော်တွင် COVID-19 ကြိုတင် ကာကွယ်ရေးအတွက် ယနေ့ ဧပြီ ၆ ရက် မွန်းလွဲပိုင်းအထိ ဈေးကြီးများပိတ်ရန် ညွန်ကြားချက်မထွက်ရှိသေးကြောင်း၊ ဆိုင်အများစုက မိမိတို့ ဆန္ဒအရ ပိတ်သိမ်းခဲ့ပါက နေပြည်တော် စည်ပင်သာယာရေး ကော်မတီအနေဖြင့် အခြေခံ စားကုန်ဆိုင်များ ဖွင့်လှစ် ရောင်းချပေးသွားမည် ဖြစ်ကြောင်း နေပြည်တော် ဒုတိယ မြို့တော်ဝန်  ဦးရဲမင်းဦးက မီဒီယာများအား ယနေ့ ပြောကြားခဲ့သည်။