23
Wed, Oct
573 New Articles

ရန်ကုန်၊ အောက်တိုဘာ ၂၂ ရက် (ဆင်ဟွာ) 

ရှမ်းပြည်နယ် ရွာငံ မြို့နယ်တွင် စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း ဒေသကာလပေါက်ဈေးတန်ဖိုးငွေကျပ်သိန်းပေါင်း ၇၀၀၀ တန်ဖိုးရှိ စိတ်ကြွ ရူးသွပ်ဆေးပြား ၇၀၀,၀၀၀ ပြား အားဖမ်းဆီးရမိခဲ့ကြောင်း မူးယစ်ဆေးဝါးအလွဲသုံးစွဲမှုတိုက်ဖျက်ရေးဗဟိုကော်မတီ (CCDAC) ကယနေ့ သတင်းထုတ်ပြန်သည်။ 

ရန်ကုန်၊ အောက်တိုဘာ ၂၂ ရက် (ဆင်ဟွာ)

လျှပ်စစ်နှင့် စွမ်းအင်ဝန်ကြီးဌာနသည် ၂၀၂၀ - ၂၀၂၁ ခုနှစ်အတွက် လျှပ်စစ်ဓာတ်အား မဂ္ဂါဝပ် ၁၀၀၀ ထပ်တိုးထုတ်လုပ်နိုင်ရေး စီစဉ်ဆောင်ရွက်လျက်ရှိကြောင်း  ပြည်ထောင်စုဝန်ကြီး ဦးဝင်းခိုင်က ပြောကြားသည်။

ရန်ကုန် ၊ အောက်တိုဘာ ၂၁ ရက်(ဆင်ဟွာ)

အပြည်ပြည်ဆိုင်ရာ အလုပ်သမားရေးရာ အဖွဲ့(ILO) ထူထောင်သည့် နှစ်တစ်ရာပြည့် အထိမ်းအမှတ် အခမ်းအနားအား ယနေ့ အောက်တိုဘာ ၂၁ ရက်တွင် ရန်ကုန်မြို့၌ ကျင်းပ ပြုလုပ်ခဲ့ကြောင်း သိရသည်။

ရန်ကုန် ၊ အောက်တိုဘာ ၂၀ ရက်(ဆင်ဟွာ)

နိုင်ငံတော်သမ္မတ ဦးဝင်းမြင့်၏ ဖိတ်ကြားချက်အရ မြန်မာနိုင်ငံသို့ နီပေါနိုင်ငံ သမ္မတ  မစ္စစ် ဘီဒီယာဒေဗီဘန်ဒါရီသည် အောက်တိုဘာလ ၁၆ ရက်မှ ၂၀ ရက်အထိ တရားဝင်ချစ်ကြည်ရေးခရီး လာရောက်ခဲ့ပြီး မြန်မာ-နီပေါ နှစ်နိုင်ငံ ပူးတွဲ ကြေညာချက်အား အောက်တိုဘာ ၂၀ ရက်တွင် ထုတ်ပြန်ခဲ့သည်။

ရန်ကုန် ၊ အောက်တိုဘာ ၂၀ ရက်(ဆင်ဟွာ)

ပြည်ထောင်စု သမ္မတ မြန်မာနိုင်ငံတော် ဒုတိယသမ္မတ ဦးဟင်နရီဗန်ထီးယူ ဦးဆောင်သော ကိုယ်စားလှယ်အဖွဲ့သည် အင်ဒိုနီးရှားသမ္မတနိုင်ငံ အစိုးရသစ်၏ ကျမ်းသစ္စာကျိန်ဆိုပွဲ အခမ်းအနားသို့ တက်ရောက်ရန် အောက်တိုဘာ ၁၉ ရက်တွင် ရန်ကုန်မြို့မှ ဂျကာတာမြို့သို့ လေကြောင်းခရီး ဖြင့် ထွက်ခွာသွားရောက်ခဲ့ကြောင်း သိရသည်။

ရန်ကုန်၊ အောက်တိုဘာ ၁၉ ရက် (ဆင်ဟွာ) 

ရခိုင်ပြည်နယ်၊ မောင်တောမြို့နယ်တွင် ဒေသကာလပေါက်ဈေးတန်ဖိုးငွေကျပ် ၇၉၈ဝ သိန်း တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မူးယစ်ဆေးဝါး အလွဲသုံးစွဲမှုတိုက်ဖျက်ရေး ဗဟိုကော်မတီ(CCDAC)က ယနေ့သတင်းထုတ်ပြန်သည်။

ဖြစ်စဉ်မှာ အောက်တိုဘာလ ၁၈ ရက်၂၂း၃ဝနာရီ အချိန်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၄၆) မောင်တောမှ တပ်ဖွဲ့ဝင်များပါဝင်သောပူးပေါင်းအဖွဲ့သည် သတင်းအရ သက်သေများနှင့်အတူ မောင်တောမြို့နယ်၊ ဈေးလမ်းဆုံ ကညင်တန်းရပ်ကွက်မှ မောင်တောမြို့နယ်အတွင်းသို့ ဘူးသီးတောင်မြို့၊ အမှတ်(၇)ရပ်ကွက်နေ သူများဖြစ်သည့် ဝေယံမင်း ၂၄ နှစ် မောင်းနှင်လာသောမော်တော်ဆိုင်ကယ်နှင့် အောင်မင်းနိုင် ၂၂ နှစ် မောင်းနှင်လာ သောမော်တော်ဆိုင်ကယ်တို့အား စစ်ဆေးရန် ရပ်တန့်ခိုင်းစဉ် မောင်းနှင်ထွက်ပြေးသွားသဖြင့် လိုက်လံဖမ်းဆီးရာ မြို့မအရှေ့ရပ်ကွက်တွင် ဝေယံမင်းအား ၎င်းမောင်းနှင်လာသော မော်တော်ဆိုင်ကယ်နှင့်အတူ ဖမ်းဆီးရမိခဲ့ပြီး စစ်ဆေးရှာဖွေရာ ဆိုင်ကယ်ခွကြားရှိ ဆာလာအိတ်အတွင်းမှ စိတ်ကြွရူးသွပ်ဆေးပြား ၂၁၈,၅ဝဝ ပြား တွေ့ရှိသိမ်း ဆည်းရမိခဲ့ပြီး အောင်မင်းနိုင် အား မြို့မအနောက်ရပ်ကွက်တွင် ၎င်းမောင်းနှင်လာသော မော်တော်ဆိုင်ကယ်နှင့် အတူ ထပ်မံဖမ်းဆီးရမိခဲ့သဖြင့် စစ်ဆေးရာ ဆိုင်ကယ်ခွကြားရှိ လက်ဆွဲအိတ်အတွင်းမှ စိတ်ကြွရူးသွပ်ဆေးပြား ၁၈ဝ,၅ဝဝ ပြား၊ စုစုပေါင်းစိတ်ကြွရူးသွပ်ဆေးပြား ၃၉၉,ဝဝဝ ပြား(ဒေသကာလပေါက်ဈေးတန်ဖိုးငွေကျပ် ၇၉၈ဝ သိန်း)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။ 

အဆိုပါဖမ်းဆီးရမိခဲ့သည့် စိတ်ကြွရူးသွပ်ဆေးပြားများနှင့်စပ်လျဉ်း၍ ကွင်းဆက်ဖော်ထုတ်စစ်ဆေးခဲ့ရာ စိတ်ကြွ ရူးသွပ်ဆေးပြားများ၏ပိုင်ရှင်ဖြစ်သူ စစ်တွေမြို့၊ ဘောက်သီးစုရပ်ကွက်နေ ဒေါ်အေးခိုင်ဇင် မှ သယ်ဆောင်ခိုင်းခြင်း ဖြစ်ကြောင်းပေါ်ပေါက်၍ ယင်းနေ့ ၂၂း၅ဝ အချိန်တွင် ဒေါ်အေးခိုင်ဇင် ၄၉ နှစ်အား စံပြရပ်ကွက်၊ ဘော်လုံးကွင်းရှေ့ လမ်းပေါ်တွင် လက်ကိုင်ဖုန်း ၁ လုံးနှင့်အတူ တွေ့ရှိဖမ်းဆီးရမိခဲ့သဖြင့် မောင်တောမြို့မရဲစခန်းတွင် မူးယစ်ဆေးဝါး နှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များဖော်ထုတ်စစ်ဆေး လျက်ရှိကြောင်း သတင်းထုတ်ပြန်ချက်ထဲတွင်ပါရှိသည်။  (Xinhua)

နေပြည်တော်၊ အောက်တိုဘာ ၁၈ ရက် (ဆင်ဟွာ)

ပြည်ထောင်စု၏ မျိုးဆက်သစ် လူငယ်များအား ကိုယ့်ကိုယ်ကိုယ် ယုံကြည်မှု၊ မည်သည့် စိန်ခေါ်မှုကို မဆို စုပေါင်းအင်အားဖြင့် ဖြေရှင်းလျှင် ရသည်ဟူသော စိတ်ဓာတ် ခွန်အားများကို အမွေပေးစေလို ကြောင်း ရခိုင်ပြည်နယ်အတွင်း လူသားချင်းစာနာမှု အကူအညီ အထောက်အပံ့ပေးရေး၊ ပြန်လည် နေရာချထားရေး၊ ဖွံ့ဖြိုးရေး စီမံကိန်း (UEHRD: _ Union Enterprise for Humanitarian Assistance, Resettlement and Development in Rakhine) ကော်မတီ ဥက္ကဋ္ဌ၊ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ယနေ့နေ့လယ်ပိုင်းတွင် ပြောကြားခဲ့သည်။

ရန်ကုန်၊ အောက်တိုဘာ ၁၈ ရက် (ဆင်ဟွာ) 

ရှမ်းပြည်နယ်၊ မူဆယ်မြို့နယ်၌ ဓါတုဆေးရည် ၂၈,၄၆၈ လီတာ သိမ်းဆည်းရမိမှုဖြစ်ပွားခဲ့ကြောင်း ပြည်ထဲရေးဝန်ကြီးဌာန က ယနေ့သတင်းထုတ်ပြန်သည်။

ရန်ကုန် ၊ အောက်တိုဘာ ၁၇ ရက်(ဆင်ဟွာ)

တနင်္သာရီ တိုင်းဒေသကြီး ထားဝယ်မြို့၌ ကျပ်တစ်သောင်းတန် ငွေစက္ကူအတုများ ကိုင်ဆောင်ထားသူ တစ်ဦးအား အောက်တိုဘာ ၁၆ ရက်တွင် ဖမ်းဆီး ရမိခဲ့ကြောင်း ပြည်ထဲရေး ဝန်ကြီးဌာနမှ သိရသည်။

နေပြည်တော်၊ အောက်တိုဘာ ၁၇ ရက်(ဆင်ဟွာ)

ပြည်ထောင်စု သမ္မတ မြန်မာနိုင်ငံနှင့် နီပေါ ဖက်ဒရယ် ဒီမိုကရက်တစ် သမ္မတနိုင်ငံတို့ အကြားယဉ်ကျေးမှု ဆိုင်ရာနှင့် ခရီးသွား ကဏ္ဍတို့တွင် နှစ်နိုင်ငံ ပူးပေါင်း ဆောင်ရွက်ရေးအတွက် နားလည်မှု စာချွန်လွှာ (MoU) ကို ယနေ့ နံနက်ပိုင်းတွင် သမ္မတ အိမ်တော်၌ လက်မှတ်ရေးထိုးခဲ့ကြသည်။