23
Wed, Oct
573 New Articles

ကချင်ပြည်နယ်၊ ဝိုင်းမော်မြို့နယ်တွင် ကျပ် သိန်း ၂၅၀၀ နီးပါး တန်ဖိုးရှိ ဘိန်းဖြူများ ဖမ်းဆီးရမိ

ကခ်င္ျပည္နယ္အတြင္း ဖမ္းဆီးရမိေသာ ဘိန္းျဖဴမ်ားအားေတြ႔ရစဥ္(CCDAC) Politics, Law & Military

ရန်ကုန်၊ စက်တင်ဘာ ၂၀ ရက် (ဆင်ဟွာ)

ကချင်ပြည်နယ်၊ ဝိုင်းမော်မြို့နယ်တွင် စက်တင်ဘာ ၁၉ ရက်က ကျပ် သိန်း ၂၅၀၀ နီးပါး တန်ဖိုးရှိ ဘိန်းဖြူများ ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးဗဟိုကော်မတီက ယနေ့ ထုတ်ပြန်သော သတင်းအရ သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၂)မြစ်ကြီးနားမှ တပ်ဖွဲ့ဝင်များပါဝင်သောပူးပေါင်းအဖွဲ့သည် သတင်းအရ သက်သေများနှင့်အတူ မြစ်ကြီးနားခရိုင်၊ ဝိုင်းမော်မြို့နယ်၊ ရွှေညောင်ပင်ကျေးရွာအနီး ဗန်းမော်-မြစ်ကြီးနားကားလမ်း၌ ဗန်းမော်မှ မြစ်ကြီးနားသို့ မောင်းနှင်လာသည့် မော်တော်ယာဉ် တို့အား ရပ်တန့်စစ်ဆေးရာ ယာဉ်တစ်စီးပေါ်မှ မော်တော်ယာဉ်၏ဒက်ရှ်ဘုတ်အံဝှက်အတွင်းမှ ဆပ်ပြာခွက် များဖြင့်ထည့်ထားသည့် ဘိန်းဖြူအလေးချိန် ၂.၀၅ ကီလို (ဒေသကာလပေါက်ဈေးတန်ဖိုးငွေကျပ် ၁၆၄ဝ သိန်း)၊ မြန်မာငွေ ၁၂၅,၀၀၀ ကျပ်နှင့် လက်ကိုင်ဖုန်း ၁ လုံးကို ရှာဖွေ့တွေ့ရှိခဲ့ကြောင်း သိရသည်။

ယင်းနေရာတွင် ထပ်မံပြီး ယာဉ်နောက်ထပ်တစ်စီးအား စစ်ဆေးရာ ယင်းမော်တော်ယာဉ်၏ဒက်ရှ်ဘုတ် အံဝှက်အတွင်းမှ ဆပ်ပြာခွက်များဖြင့်ထည့်ထားသည့် ဘိန်းဖြူအလေးချိန် ၂ ကီလို(ဒေသကာလပေါက်ဈေးတန်ဖိုး ငွေကျပ် ၈ဝဝ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။

အဆိုပါ ဖမ်းဆီးရမိသော ဘိန်းဖြူများနှင့် ပတ်သက်ပြီး ဝိုင်းမော်မြို့မရဲစခန်းတွင် မူးယစ်ဆေးဝါးနှင့်စိတ်ကိုပြောင်းလဲစေတတ်သော ဆေးဝါး များဆိုင်ရာ ဥပဒေအရအမှုဖွင့်အရေးယူပြီး ကွင်းဆက်များ ဖော်ထုတ်စစ်ဆေးလျက်ရှိကြောင်း သိရသည်။(Xinhua)