ရန်ကုန်၊ ဇွန် ၁၂ ရက် (ဆင်ဟွာ)

၂၀၂၀ပြည့်နှစ် မေလတွင် ရောင်းမကုန်သည့် အောင်ဘာလေထီလက်မှတ် ၆ သိန်းကျော် ရှိခဲ့ပြီး ဧပြီလတွင်ရောင်းမကုန်သည့် ထီလက်မှတ် ၁ ဒသမ ၈ သန်းကျော် သန်းကျော်ရှိခဲ့သည့် အတွက် ဧပြီလ နှင့် နှိုင်းယှဉ်ပါက အရာင်းပြန်တက်လာကြောင်း၊ ဇွန်လတွင် အောင်ဘာလေ ထီလက်မှတ် ရောင်းအားသည် မေလထက်ပိုမိုများနိုင်ကြောင်း စီမံကိန်းဘဏ္ဍာရေး နှင့် စက်မှုဝန်ကြီးဌာန၊ ပြည်တွင်းအခွန်များဦးစီးဌာနမှ ညွှန်ကြားရေးမှူးချုပ် ဦးမင်းထွဋ် က ယနေ့ ဇွန် ၁၁ ရက်တွင် ဆင်ဟွာသို့ ပြောကြားခဲ့သည်။ 

ရန်ကုန်၊ မေ ၂၃ ရက် (ဆင်ဟွာ)

COVID-19 ရောဂါကြောင့် ခေတ္တပိတ်ထားရသည့် ဆင်စခန်းများ တွင် အလှူရှင်များလှူဒါန်းလိုပါက ဆင်စခန်းပိတ်ထားသော်လည်းလှူဒါန်းနိုင်ကြောင်း၊ သယံဇာတ နှင့် သဘဝပတ်ဝန်း ကျင်ထိန်းသိမ်းရေးဝန်ကြီးဌာန၊ဒုတိယအမြဲတမ်းအတွင်းဝန် ဦးကျော်ဇော်က ဆင်ဟွာကို မေ ၂၃ ရက်တွင်ပြောသည်။

ရန်ကုန်၊ မေ ၁၃ ရက် (ဆင်ဟွာ)

အိမ်မွေးဆင်များ အား  ၂၀၂၀ ပြည့်နှစ်   မတ်လမှ   မေလ အတွင်း   Microchip  တပ်ဆင်ခြင်း အား   အပြီး ဆောင်ရွက်လျက်ရှိရာ  ဆင်ကောင်ရေ  ၁,၀၀၀  ကျော် ကို  Microchip    တပ်ဆင်ခြင်းလုပ်ငန်း ဆောင်ရွက်ပြီးစီးသွားပြီဖြစ်ကြောင်း  မြန်မာ့သစ်လုပ်ငန်းမှ တာဝန်ရှိသူတစ်ဦးက ဆင်ဟွာသို့ မေ၁၃ ရက်တွင် ပြောကြားသည်။

ရန်ကုန်၊ မေ ၁၃ ရက် (ဆင်ဟွာ) 

လျှပ်စစ် နှင့် စွမ်းအင်ဝန်ကြီးဌာန အနေဖြင့် ၂၀၂၁ ခုနှစ်တွင်  လျှပ်စစ်ဓာတ်အားသုံးစွဲနှိုင်မှုကိုတစ်နိုင်ငံလုံး၏  ၅၅ ရာခိုင်နှုန်း၊ ၂၀၂၅-၂၀၂၆ ခုနှစ်တွင်  တစ်နိုင်ငံလုံးရဲ့ ၇၅ ရာခိုင်နှုန်းနှင့် ၂၀၃၀ ပြည့်နှစ် တွင် တစ်နိုင်ငံလုံးအတိုင်းအတာဖြင့် သုံးစွဲနိုင်အောင် မျှော်မှန်း၍  စီမံချက်များ ချမှတ်ဆောင်ရွက်လျက်ရှိကြောင်း လျှပ်စစ် နှင့် စွမ်းအင်ဝန်ကြီးဌာန လက်ထောက်အတွင်းဝန် ဦးအောင်ကျော်ထူးက ဆိုသည်။

 

ရန်ကုန်၊ ဧပြီ ၂၅ ရက် (ဆင်ဟွာ)

မြန်မာတစ်နိုင်ငံ လုံးတွင် ဆောင်ရွက်လျက်ရှိသည့် မြစိမ်းရောင်စီမံကိန်း ကျေးရွာ ပေါင်း ၁၁,၆၄၃ ရွာတွင် သတ်မှတ် အတိုးနှုန်းကို ကျေးရွာလိုက် အတိုးနှုန်းပေါ်မူတည်ပြီး ၅၀ ရာခိုင်နှုန်း နှင့် အထက် လျှော့ချပေးမည်ဖြစ်ကြောင်း စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊လက်ထောက်အတွင်းဝန် ဒေါက်တာထွန်းလွင် က ဆင်ဟွာကို ဧပြီ ၂၅ ရက်တွင် ပြောသည်။

ရန်ကုန်၊ ဧပြီ ၆ ရက် (ဆင်ဟွာ) 

တိုင်းဒေသကြီးများနှင့် ပြည်နယ်များတွင် နွေရာသီ သောက်သုံးရေပြတ်လပ်မှုဖြစ်ပေါ်ပါက ကျေးလက်ဒေသဖွံ့ဖြိုးတိုးတက်ရေး ဦးစီးဌာနသို့ ဆက်သွယ်သတင်းပို့ အကူအညီတောင်းခံနိုင်ကြောင်း၊ ၂၀၁၉ ခုနှစ်တွင် ရေရနည်းခဲ့သည့်အတွက် ယခုနှစ်တွင် ရေလိုအပ်မှုပိုမိုများပြားနိုင်ကြောင်း၊  ကျေးလက်ဒေသဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ်ဦးခန့်ဇော်က ယနေ့ ဧပြီ ၆ ရက်တွင် ဆင်ဟွာသတင်းဌာနသို့ ပြောကြားခဲ့သည်။

ရန်ကုန် ၊ ဧပြီ ၂ ရက်(ဆင်ဟွာ)

၂၀၁၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်းမှ ကောက်ယူရရှိသော လူဦးရေကိုအခြေခံ၍ ခန့်မှန်းတွက်ချက်မှုများအရ ၂၀၂၀ ပြည့်နှစ် ဧပြီ ၁ ရက်တွင် မြန်မာနိုင်ငံ၏ ခန့်မှန်းလူဦးရေမှာ ၅၄ ဒသမ ၅၈ သန်းဖြစ်ကြောင်း အလုပ်သမား ၊ လူဝင်မှု ကြီးကြပ်ရေး နှင့် ပြည်သူ့အင်အား ဝန်ကြီးဌာန ၊ ပြည်သူ့အင်အား ဦးစီးဌာနမှ သတင်းထုတ်ပြန်ခဲ့သည်။

ရန်ကုန်၊ မတ် ၂၅ ရက် (ဆင်ဟွာ) 

နေပြည်တော်ရှိ ရုံးဌာနအသီးသီးတွင် တာဝန် ထမ်းဆောင်လျက်ရှိသော နိုင်ငံ့ဝန်ထမ်းများ သင်္ကြန် ရုံးပိတ်ရက်ကာလအတွင်း သွားလာရေး အဆင်ပြေစေရန် ပို့ဆောင်ရေးနှင့် ဆက်သွယ်ရေး ဝန်ကြီးဌာနအောက်ရှိ နေပြည်တော် ကုန်းလမ်း ပို့ဆောင်ရေးဌာန၏ အစီအစဉ်ဖြင့် နေပြည်တော်-ရန်ကုန် ခရီးစဉ်တစ်ခုကို မော်တော်ယာဉ်ကြီး များဖြင့် ပြေးဆွဲပေးသွားမည်ဖြစ်ကြောင်း ပြန်ကြားရေးဝန်ကြီးဌာန က မတ် ၂၅ ရက်တွင် သတင်းဖော်ပြခဲ့သည်။

ရန်ကုန်၊ မတ် ၂၃ ရက် (ဆင်ဟွာ)

ထိုင်း-မြန်မာနယ်စပ်၊ မဲဆောက်-မြဝတီချစ်ကြည်ရေးတံတား အမှတ် (၂) နှင့် မယ်ဆိုင် တာချီလိတ် အမှတ်(၂) မယ်ဆိုင်ချောင်းကူးတံတားတို့မှ COVID-19 ရောဂါကင်းရှင်းသည့် ယာဉ်မောင်းနှင့် ယာဉ်နောက်လိုက်တစ်ဦးစီသာ ဖြတ်သန်းခွင့်ပြုမည်ဖြစ်ကြောင်း ပြန်ကြားရေးဝန်ကြီးဌာန ၏ မတ် ၂၃ ရက်တွင် ထုတ်ပြန်ချက်အရ သိရသည်။

ရန်ကုန်၊ မတ် ၁၉ ရက် (ဆင်ဟွာ) 

လူမှုဝန်ထမ်းဦးစီးဌာနက ကြီးကြပ်ဆောင်ရွက်လျက်ရှိသော ပရဟိတဂေဟာများ၊ ဘိုးဘွားရိပ်သာများ၊ သင်တန်းကျောင်းများနှင့်ဌာနငယ်များသို့ လာရောက်လှူဒါန်းသောအလှူရှင်များနှင့်  ဝန်ကြီးဌာနနှင့် MoU ရေးထိုးဆောင်ရွက်လျက်ရှိသည့် နိုင်ငံတကာ အစိုးရမဟုတ်သော အဖွဲ့အစည်းများသို့ ဂေဟာတွင်ရှိသောသူများ နှင့် တိုက်ရိုက်ထိတွေ့ဆက်ဆံခြင်းမပြုရန် မေတ္တရပ်ခံ ပန်ကြားချက် အားထုတ်ပြန်ခဲ့ကြောင်း လူမှုဝန်ထမ်းကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန၊ လက်ထောက်အတွင်းဝန် ဒေါ်နွဲ့ယဉ်အေးက မတ် ၁၉ ရက် တွင် ဆင်ဟွာကိုပြောသည်။