ရန်ကုန် ၊ ဇွန် ၂၁ ရက်(ဆင်ဟွာ) 

ကာတာနိုင်ငံမှ ပြန်လာသူ ၃ဦးထံတွင် COVID-19 ရောဂါပိုး စစ်ဆေးတွေ့ရှိရကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ ညထုတ်ပြန်ခဲ့ပြီးနောက် COVID-19 ရောဂါ ဓာတ်ခွဲအတည်ပြုလူနာ စုစုပေါင်း ၂၉၀ဦး ရှိလာခဲ့ကြောင်း သိရသည်။

နယူးဒေလီ၊ ဇွန် ၂၀ ရက် (ဆင်ဟွာ)

အိန္ဒိယနိုင်ငံတွင် COVID-19 ကပ်ရောဂါကြောင့် ထိခိုက်ခဲ့ရသော ဆင်းရဲပြီး ရပ်တည်ရန်ခက်ခဲသည့် အိမ်ထောင်စုများကို ထောက်ပံ့ကူညီရန် အာရှအခြေခံအဆောက်အအုံ ရင်းနှီးမြှုပ်နှံမှုဘဏ် (AIIB) နှင့် အမေရိကန်ဒေါ်လာ သန်း ၇၅၀ တန်ဖိုးရှိသော သဘောတူညီချက်ကို ဇွန် ၁၉ ရက်၌ အိန္ဒိယအစိုးရက လက်မှတ်ရေးထိုးခဲ့ကြောင်း သိရသည်။ 

ပေကျင်း၊ ဇွန် ၂၀ ရက် (ဆင်ဟွာ)

တရုတ်နိုင်ငံ ဝန်ကြီးချုပ် လီခဲ့ချန်သည် ဥရောပကောင်စီ ဥက္ကဋ္ဌ Charles Michel နှင့် ဥရောပကော်မရှင် ဥက္ကဋ္ဌ Ursula von der Leyen တို့နှင့်အတူ ၂၂ ကြိမ်မြောက် တရုတ်-အီးယူ ခေါင်းဆောင်များအစည်းအဝေးကို ဇွန် ၂၂ ရက်တွင် ပြုလုပ်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာန  ပြောရေးဆိုခွင့်ရှိသူ ကျောက်လိကျင်းက ဇွန် ၁၉ ရက်တွင် ကြေညာခဲ့သည်။ 

ရန်ကုန်၊ ဇွန် ၁၉ ရက် (ဆင်ဟွာ) 

COVID-19 ကာလတွင် အကြောင်းအမျိုးမျိုးကြောင့် တစ်နိုင်ငံလုံးတွင် ပိတ်ထားသည့် ဟိုတယ်များသည် COVID-19 ပြည်တွင်းတွင်ကူးစက်မှု အားပျော့လာသည့် အချိန် တွင် တိုင်းဒေသကြီး/ပြည်နယ်များ၌ သက်ဆိုင်ရာ ခရီးသွား လုပ်ငန်းကော်မတီများ၏ အတည်ပြုချက်ဖြင့် ခွင့်ပြုမိန့် ပြန်လည်တောင်းခံခဲ့ရာ ၂၀၂၀ပြည့်နှစ် ဇွန် ၁၉ ရက် အထိ ဟိုတယ်အလုံးပေါင်း ၁၀၇၄ လုံး၊ ရာခိုင်နှုန်းအားဖြင့် ၅၀ ရာခိုင်နှုန်းခန့် ပြန်လည်ဖွင့်လှစ်ပြီးဖြစ်ကြောင်း ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယညွှန်ကြားရေးမှူးချုပ်ဦးအောင်အေးဟန် က ဆင်ဟွာကို ဇွန် ၁၉ ရက်တွင် ပြောသည်။ 

ပေကျင်း၊ ဇွန် ၁၉ ရက် (ဆင်ဟွာ)

တရုတ်နိုင်ငံ မြို့တော် ပေကျင်းရှိ ကူးစက်ရောဂါ အခြေအနေအား ထိန်းချုပ်နိုင်ပြီဖြစ်ပြီး မကြာမီရက်ပိုင်းအတွင်း ရောဂါဖြစ်ပွားမှုအသစ် အရေအတွက် လျော့ကျသွားနိုင်ဖွယ်ရှိကြောင်း တရုတ်နိုင်ငံ ရောဂါထိန်းချုပ်ရေးနှင့် ကာကွယ်ရေးစင်တာ ကူးစက်ရောဂါပြန့်ပွားခြင်းနှင့် ကာကွယ်ခြင်းပညာရှင် အကြီးအကဲ ဝူကျွန်းရိုက ဇွန် ၁၈ ရက်တွင် ပြောခဲ့သည်။ 

ကိုပင်ဟေဂင်၊ ဇွန် ၁၉ ရက် (ဆင်ဟွာ)

ဥရောပရှိ အခြားနိုင်ငံများတွင် သီတင်းပတ်များကြာ COVID-19 ရောဂါဖြစ်ပွားမှုများ လျော့ကျလာနေသော်လည်း အရှေ့ဥရောပရှိ နိုင်ငံများ၌ ကိုရိုနာဗိုင်းရပ်စ် ကူးစက်မှုများ ဖြစ်ပွားမှုနှင့် အရေအတွက် စိုးရိမ်ဖွယ် မြင့်တက်လာသည်ကို ထောက်ပြပြီး ကမ္ဘာ့ကျန်းမာရေးအဖွဲ့ ဥရောပဆိုင်ရာ ဌာနေရုံးက ဇွန် ၁၈ ရက်တွင် သတိပေးပြောကြားလိုက်ကြောင်း သိရသည်။ 

နေပြည်တော်၊ ဇွန် ၁၉ ရက် (ဆင်ဟွာ)

COVID-19 ကာလအတွင်း ပုံမှန် ဝင်ငွေမရှိသည့် အခြေခံ လူတန်းစားများအား ဒုတိယအကြိမ် ထောက်ပံ့မှု အဖြစ် အခြေခံ လူတန်းစား အိမ်ထောင်စု ၅ ဒသမ ၄ သန်းကျော်အား အိမ်ထောင်စု တစ်စုလျှင် ငွေကျပ် နှစ်သောင်းစီ ထောက်ပံ့ရန် ညွှန်ကြားထားပြီး ဖြစ်သည်ဟု နိုင်ငံတော်သမ္မတရုံး ပြောရေးဆိုခွင့်ရ ပုဂ္ဂိုလ်၊ နိုင်ငံတော် အတိုင်ပင်ခံရုံး ဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ယနေ့ ပြန်လည် စတင်သော သမ္မတအိမ်တော် ပုံမှန် သတင်းစာ ရှင်းပွဲ၌ ပြောကြားခဲ့သည်။

ရန်ကုန် ၊ ဇွန် ၁၉ ရက်(ဆင်ဟွာ) 

ထိုင်းနိုင်ငံ နှင့် မလေးရှားနိုင်ငံမှ ပြန်လာသူ ၂၃ ဦးထံတွင် COVID-19 ရောဂါပိုး စစ်ဆေးတွေ့ရှိရကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ နံနက်ပိုင်း အချိန် ထုတ်ပြန်ခဲ့ပြီးနောက် COVID-19 ရောဂါ ဓာတ်ခွဲအတည်ပြုလူနာ စုစုပေါင်း ၂၈၆ ဦး ရှိလာခဲ့ကြောင်း သိရသည်။

ရန်ကုန် ၊ ဇွန် ၁၈ ရက်(ဆင်ဟွာ)

COVID-19 ကပ်ရောဂါကြောင့် လယ်ယာစိုက်ပျိုးရေးကဏ္ဍတွင် အထိုက်အလျောက် ထိခိုက်မှုများ ရှိခဲ့သဖြင့် တောင်သူလယ်သမားများ အတွက် COVID-19 အထူးချေးငွေ ထပ်ဆောင်းပံ့ပိုး ထုတ်ချေးပေးမည် ဖြစ်ကြောင်း စီမံကိန်း ၊ ဘဏ္ဍာရေး နှင့် စက်မှု ဝန်ကြီးဌာနထံမှ သိရသည်။ 

ပေကျင်း၊ ဇွန် ၁၈ ရက် (ဆင်ဟွာ)

နိုင်ငံတကာပူးပေါင်းဆောင်ရွက်မှုဆိုင်ရာ ရပ်ဝန်းနှင့် ပိုးလမ်းမ ဗီဒီယိုကွန်ဖရင့်ကို “နိုင်ငံတကာ ပူးပေါင်းဆောင်ရွက်မှု ခိုင်မာရေးနှင့် COVID-19 ရောဂါကို ပူးတွဲတိုက်ဖျက်ရေး” ဟူသော ခေါင်းစဉ်ဖြင့် ဇွန် ၁၈ ရက်၌ ကျင်းပသွားမည် ဖြစ်ကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကျောက်လိကျွမ်းက ဇွန် ၁၆ ရက်၌ ကြေညာခဲ့သည်။