ရန်ကုန် ၊ ဇွန် ၂၁ ရက်(ဆင်ဟွာ) 

ကာတာနိုင်ငံမှ ပြန်လာသူ ၃ဦးထံတွင် COVID-19 ရောဂါပိုး စစ်ဆေးတွေ့ရှိရကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ ညထုတ်ပြန်ခဲ့ပြီးနောက် COVID-19 ရောဂါ ဓာတ်ခွဲအတည်ပြုလူနာ စုစုပေါင်း ၂၉၀ဦး ရှိလာခဲ့ကြောင်း သိရသည်။

ရန်ကုန်၊ ဇွန် ၁၉ ရက် (ဆင်ဟွာ) 

COVID-19 ကာလတွင် အကြောင်းအမျိုးမျိုးကြောင့် တစ်နိုင်ငံလုံးတွင် ပိတ်ထားသည့် ဟိုတယ်များသည် COVID-19 ပြည်တွင်းတွင်ကူးစက်မှု အားပျော့လာသည့် အချိန် တွင် တိုင်းဒေသကြီး/ပြည်နယ်များ၌ သက်ဆိုင်ရာ ခရီးသွား လုပ်ငန်းကော်မတီများ၏ အတည်ပြုချက်ဖြင့် ခွင့်ပြုမိန့် ပြန်လည်တောင်းခံခဲ့ရာ ၂၀၂၀ပြည့်နှစ် ဇွန် ၁၉ ရက် အထိ ဟိုတယ်အလုံးပေါင်း ၁၀၇၄ လုံး၊ ရာခိုင်နှုန်းအားဖြင့် ၅၀ ရာခိုင်နှုန်းခန့် ပြန်လည်ဖွင့်လှစ်ပြီးဖြစ်ကြောင်း ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယညွှန်ကြားရေးမှူးချုပ်ဦးအောင်အေးဟန် က ဆင်ဟွာကို ဇွန် ၁၉ ရက်တွင် ပြောသည်။ 

နေပြည်တော်၊ ဇွန် ၁၉ ရက် (ဆင်ဟွာ)

COVID-19 ကာလအတွင်း ပုံမှန် ဝင်ငွေမရှိသည့် အခြေခံ လူတန်းစားများအား ဒုတိယအကြိမ် ထောက်ပံ့မှု အဖြစ် အခြေခံ လူတန်းစား အိမ်ထောင်စု ၅ ဒသမ ၄ သန်းကျော်အား အိမ်ထောင်စု တစ်စုလျှင် ငွေကျပ် နှစ်သောင်းစီ ထောက်ပံ့ရန် ညွှန်ကြားထားပြီး ဖြစ်သည်ဟု နိုင်ငံတော်သမ္မတရုံး ပြောရေးဆိုခွင့်ရ ပုဂ္ဂိုလ်၊ နိုင်ငံတော် အတိုင်ပင်ခံရုံး ဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ယနေ့ ပြန်လည် စတင်သော သမ္မတအိမ်တော် ပုံမှန် သတင်းစာ ရှင်းပွဲ၌ ပြောကြားခဲ့သည်။

ရန်ကုန် ၊ ဇွန် ၁၉ ရက်(ဆင်ဟွာ) 

ထိုင်းနိုင်ငံ နှင့် မလေးရှားနိုင်ငံမှ ပြန်လာသူ ၂၃ ဦးထံတွင် COVID-19 ရောဂါပိုး စစ်ဆေးတွေ့ရှိရကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ နံနက်ပိုင်း အချိန် ထုတ်ပြန်ခဲ့ပြီးနောက် COVID-19 ရောဂါ ဓာတ်ခွဲအတည်ပြုလူနာ စုစုပေါင်း ၂၈၆ ဦး ရှိလာခဲ့ကြောင်း သိရသည်။

ရန်ကုန် ၊ ဇွန် ၁၈ ရက်(ဆင်ဟွာ)

COVID-19 ကပ်ရောဂါကြောင့် လယ်ယာစိုက်ပျိုးရေးကဏ္ဍတွင် အထိုက်အလျောက် ထိခိုက်မှုများ ရှိခဲ့သဖြင့် တောင်သူလယ်သမားများ အတွက် COVID-19 အထူးချေးငွေ ထပ်ဆောင်းပံ့ပိုး ထုတ်ချေးပေးမည် ဖြစ်ကြောင်း စီမံကိန်း ၊ ဘဏ္ဍာရေး နှင့် စက်မှု ဝန်ကြီးဌာနထံမှ သိရသည်။ 

ရန်ကုန် ၊ ဇွန် ၁၅ ရက်(ဆင်ဟွာ)

မြန်မာနိုင်ငံ၌ COVID-19 ဓာတ်ခွဲအတည်ပြုလူနာဟောင်း (old confirmed case) များ၏ ဓာတ်ခွဲနမူနာစစ်ဆေးမှုများတွင် (၂) ကြိမ် ဆက်တိုက် ပိုးမတွေ့ရှိသူ ရှစ်ဦး ထပ်တိုးလာကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ ဇွန် ၁၅ ရက် ညပိုင်းတွင် ကြေညာခဲ့ပြီးနောက် COVID-19 ရောဂါပိုးကင်းစင်လာသူ စုစုပေါင်း ၁၇၅ ဦး ထိရှိလာကြောင်း သိရသည်။

ရန်ကုန် ၊ ဇွန် ၁၅ ရက်(ဆင်ဟွာ)

COVID-19 ကူးစက်ရောဂါ ပြည်ပမှ ဝင်ရောက်လာနိုင်မှုနှင့် ကူးစက်ပြန့်ပွားမှု အန္တရာယ်မှ မြန်မာပြည်သူများအား ကာကွယ်စောင့်ရှောက်ပေးနိုင်ရေးအတွက် ထိရောက်သည့်အစီအမံများကို ဆက်လက်ချမှတ်ဆောင်ရွက်သွားနိုင်ရန် အစိုးရအနေဖြင့် ပြည်ဝင်ခွင့် ယာယီကန့်သတ်မှုဆိုင်ရာ အစီအမံများအားလုံးကို ဇွန်လ ၃၀ ရက်နေ့အထိ ထပ်မံတိုးမြှင့်သတ်မှတ်လိုက်ကြောင်း နိုင်ငံခြားရေး ဝန်ကြီးဌာနမှ ယနေ့ သတင်းထုတ်ပြန်ခဲ့သည်။

ရန်ကုန်၊ ဇွန် ၁၅ ရက် (ဆင်ဟွာ)

COVID-19 ရောဂါ နှင့် ပတ်သက်၍ ဖြေလျှော့မှုများဆောင်ရွက်နေစဉ်အတွင်း ဇွန် ၁၆ ရက် မှစ၍  မြန်မာ့မီးရထား လမ်းပိုင်းတစ်ပိုင်းစီတွင် ရထားတစ်စင်းစီတိုးချဲ့ ပြေးဆွဲပေးမည်ဖြစ်ကြောင်း ၊ ခရီးသည်များကို social distancing (ခပ်ခွါခွါစီးနင်းစေသည့်ပုံစံ) ဖြင့် လက်မှတ်များရောင်းချပေးသွားမည်ဖြစ်ကြောင်း  ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့မီးရထား (ခရီးသည်) မှ လက်ထောက်အထွေထွေမန်နေဂျာ ဦးမင်းမင်းထွေးက ပြောသည်။  

ရန်ကုန်၊ ဇွန် ၁၃ ရက် (ဆင်ဟွာ)

မြန်မာနိုင်ငံတစ်ဝှမ်းရှိ အပြည်ပြည်ဆိုင်ရာလေဆိပ်များတွင် အပြည်ပြည်ဆိုင်ရာ ခရီးသည်တင်လေယာဉ်များဆိုက်ရောက်ခွင့်နှင့် ထွက်ခွာခွင့်များကို ဇွန် ၃၀ရက်နေ့ထိ ဆက်လက်ပိတ်ထားမည်ဖြစ်ကြောင်း  လေဆိပ်အား စီမံခန့်ခွဲဝန်ဆောင်မှု ပေးနေသာ Yangon Aerodrome Company Limited (YACL)မှ တာဝန်ရှိသူတစ်ဦးက ဆင်ဟွာသို့ပြောကြားသည်။

ရန်ကုန်၊ ဇွန် ၁၃ ရက် (ဆင်ဟွာ) 

လုပ်ငန်းများ၊ ကုမ္ပဏီများ မှ တစ်ချို့ မှာ ပြန်လည်ဖွင့်လှစ်လာပြီဖြစ်သည့် အတွက် ဇွန်လတွင် YBS ယာဉ်အစီးရေ၇၅ ရာခိုင်နှုန်း အထိ ပြန်လည်ပြေးဆွဲပေးလျက်ရှိပြီး YBS စီးနင်းသည့် ခရီးသည်ဦးရေမှာ ၃ ပုံ ၁ အထိစီးနင်းသူရှိလာပြီဖြစ်ကြောင်းရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့(YRTA) မှ အတွင်းရေးမှူး ဒေါက်တာမောင်အောင် ဆင်ဟွာကို ဇွန် ၁၃ ရက် တွင်ပြောသည်။