တူနီးရှား ၊ မေ ၁၅ ရက် (ဆင်ဟွာ)

အယ်လ်ဂျီးရီးယား နိုင်ငံ အစိုးရ ၏ ဖိတ်ကြားချက်အရ အယ်လ်ဂျီးရီးယား နိုင်ငံ ကပ်ရောဂါ တိုက်ဖျက်ရေး အတွက် ကူညီထောက်ပံ့ပေးမည့် တရုတ် နိုင်ငံ ကပ်ရောဂါ တိုက်ဖျက်ရေး ဆိုင်ရာ ဆေးဘက်ဆိုင်ရာ ပညာရှင် အဖွဲ့ သည် မေလ ၁၄ ရက် ၌ အယ်လ်ဂျီးရီးယား နိုင်ငံ သို့ ရောက်ရှိခဲ့ပြီး ပညာရှင် အဖွဲ့ က ရှေ့ဆက် ၁၅ ရက် တာ ကာလအတွင်း အယ်လ်ဂျီးရီးယား နိုင်ငံ ကပ်ရောဂါ ကာကွယ်ထိန်းချုပ်ရေး အတွက် ကူညီထောက်ပံ့ပေး သွားမည် ဖြစ်သည်။

ရောမ ၊ မေ ၁၅ ရက် (ဆင်ဟွာ)

အီတလီ နိုင်ငံ ယဉ်ကျေးမှု နှင့် ခရီးသွားလာရေးဝန်ကြီးဌာန ဝန်ကြီး Dario Franceschini က အီတလီ နိုင်ငံ အစိုးရ မှ အတည်ပြုပေးခဲ့သည့် စုစုပေါင်း ပမာဏ အားဖြင့် ယူရို ၅၅ ဘီလီယံ ရှိသော စီးပွားရေး တိုးတက်ရေး အစီအစဉ် တွင် ယူရို ၄ ဘီလီယံ အား ခရီးသွားလုပ်ငန်း တွင် အသုံးပြုသွားမည် ဖြစ်ပြီး ယူရို ၁ ဘီလီယံ အား ယဉ်ကျေးမှု လုပ်ငန်း တွင် အသုံးပြုသွားမည် ဖြစ်ကာ ယင်းလုပ်ငန်း နှစ်ခု ၏ COVID-19 ကပ်ရောဂါ ကာလ ဖြတ်သန်းစဉ် အတွင်း ဖြစ်ပွား ခဲ့သည့် ထိခိုက်မှုများကို ကူညီထောက်ပံ့ပေးသွားမည် ဖြစ်ကြောင်း မေလ ၁၄ ရက် ၌ ပြောကြား ခဲ့သည်။

မော်စကို ၊ မေ ၁၅ ရက် (ဆင်ဟွာ)

ရုရှား နိုင်ငံ ဒုတိယ နိုင်ငံခြားရေးဝန်ကြီး Sergei Ryabkov က အမေရိကန် နိုင်ငံ အနေဖြင့် ပြည်တွင်း COVID-19 ရောဂါ ကူးစက်ပျံ့နှံ့မှု နှင့် ပတ်သက်၍ တရုတ် နိုင်ငံ အား ပြစ်တင်ဝေဖန်နေခြင်း သည် မည်သည့်သက်သေအထောက်အထား မှ မရှိကြောင်း မေလ ၁၄ ရက် ၌ ပြောကြား ခဲ့သည်။

နယူးယောက်၊ မေ ၁၅ ရက် (ဆင်ဟွာ) 

ကမ္ဘာတစ်ဝန်းတွင် COVID-19 ရောဂါကြောင့် သေဆုံးသူအရေအတွက်သည် မေ ၁၄ ရက် မွန်းလွဲ ၁:၃၈ နာရီ၌ ၃၀၀,၀၇၄ ဦးအထိ ရောက်ရှိလာခဲ့ပြီဖြစ်ကြောင်း ဂျွန်ဟော့ကင်းတက္ကသိုလ် သိပ္ပံနှင့် အင်ဂျင်နီယာပညာရပ်ဆိုင်ရာဌာန (CSSE)  အရ သိရသည်။

အဘိဂျန်၊ မေ ၁၄ ရက်(ဆင်ဟွာ)

တရုတ်နိုင်ငံမှ အိုင်ဗရီကို့စ်နိုင်ငံသို့ ကူညီလှူဒါန်းသော ဒုတိယအသုတ် ဆေးဘက်ဆိုင်ရာအထောက်အပံ့ပစ္စည်းများသည် မေ ၁၃ ရက်က အိုင်ဗရီကို့စ်နိုင်ငံ စီးပွားရေးမြို့တော် အဘိဂျန်သို့ ရောက်ရှိသွားပြီဖြစ်ကြောင်း သိရသည်။

ဘရပ်ဆဲလ်၊ မေ ၁၄ ရက်(ဆင်ဟွာ)

COVID-19 ကပ်ရောဂါ ဂယက်ရိုက်ခတ်မှုကြောင့် ခရီးသွားကုမ္ပဏီများ ဘဏ္ဍာရေး အကြပ်အတည်းဖိအားနှင့်ရင်ဆိုင်နေရသဖြင့် ဥရောပ အကြီးဆုံး ခရီးသွားကုမ္ပဏီဖြစ်သည့်  TUI Groupက လုပ်ငန်းလည်ပတ်မှုကုန်ကျစရိတ်ကို ထိန်းချုပ်နိုင်ရန်အတွက် ဝန်ထမ်း ၈,၀၀၀ လျှော့ချ သွားမည် ဖြစ်ကြောင်း မေ ၁၃ ရက်တွင် ကြေညာခဲ့သည်။

နယူးဒေလီ ၊ မေ ၁၄ ရက်(ဆင်ဟွာ)

အိန္ဒိယ နိုင်ငံသည် COVID-19 ရောဂါပိုး ရှိသူ စုစုပေါင်း ၇၄,၂၈၁ ဦး နှင့် သေဆုံးသူ ၂,၄၁၅ ဦး ရှိလာခဲ့ပြီးနောက်တွင် မေ ၁၃ ရက်၌ ကမ္ဘာပေါ်တွင် ကူးစက်ရောဂါ အမြင့်ဆုံး ခံစားရသည် နိုင်ငံများစာရင်းတွင် အဆင့် ၁၂ နေရာသို့ ရောက်ရှိလာခဲ့ကြောင်း သိရသည်။

မော်စကို ၊ မေ ၁၄ ရက်(ဆင်ဟွာ)

အမေရိကန်နိုင်ငံ နှင့် ၎င်း၏ မဟာမိတ်အပေါင်းအပါများသည် ထိပ်တိုက်ရင်ဆိုင်ရေးကို ဖန်တီးနေသလို COVID-19 ကပ်ရောဂါ ကိုအသုံးချ၍ အနာဂါတ် ကမ္ဘာ့အခင်းအကျင်းတွင် ၎င်းတို့၏ ကိုယ်ပိုင်ရည်မှန်းချက် အတွေးအမြင်များကို သွပ်သွင်းရန် လုပ်ဆောင်နေကြောင်း ရုရှားနိုင်ငံ နိုင်ငံခြားရေးဝန်ကြီးဌာန ဝန်ကြီး Sergei Lavrov က မေ ၁၃ ရက်တွင်ပြောကြားလိုက်သည်။

အက်ဒစ်စ် အက်ဘာဘာ၊ မေ ၁၃ ရက် (ဆင်ဟွာ)

တရုတ်နိုင်ငံမှ ဆေးပညာရှင်များသည် ဂျီဘူတီနိုင်ငံတွင် COVID-19 ရောဂါတိုက်ဖျက်ရေးအတွက် ကူညီပေးခြင်း အထူးတာဝန်ပြီးဆုံးချိန်တွင် ၎င်းတို့၏ လုပ်ဆောင်မှုများအတွက် ဂုဏ်ပြုဆုများ ချီးမြှင့်ခံရကြောင်း နှင့် မေ ၁၁ ရက်တွင် ဂျီဘူတီနိုင်ငံမှ ပြန်လည်ထွက်ခွာသွားခဲ့ကြောင်း သိရသည်။

နယူးဒေလီ၊ မေ ၁၃ ရက်(ဆင်ဟွာ)

အိန္ဒိယနိုင်ငံတွင် ရူပီ ၂၀ ထရီလီယံ(အမေရိကန်ဒေါ်လာ ၂၆၇ ဘီလီယံ ခန့်) တန်ဖိုးရှိ စီးပွားရေးနှိုးဆွမှုအစီအစဉ်များကို ဆောင်ရွက်မည့် တစ်ချိန်တည်းမှာပင် တစ်နိုင်ငံလုံး ကန့်သတ်ပိတ်ဆို့မှုကာလကို ထပ်တိုးသွားမည်ဖြစ်ကြောင်း  အိန္ဒိယနိုင်ငံ ဝန်ကြီးချုပ် နာရန်ဒြာ မိုဒီက မေ ၁၂ ရက် ညပိုင်းတွင် ရုပ်မြင်သံကြားမှတစ်ဆင့် ပြောကြားခဲ့သည်။