ကိုလံဘို၊ မေ ၅ ရက် (ဆင်ဟွာ)

တရုတ်နိုင်ငံ၏ နည်းပညာမြင့်လုပ်ငန်းကြီးတစ်ခုဖြစ်သော ဟွာဝေးကုမ္ပဏီက သီရိလင်္ကာနိုင်ငံ၏ COVID-19 ကပ်ရောဂါတိုက်ဖျက်ရေး အတွက် အထောက်အကူဖြစ်စေမည့် တစ်စိတ်တစ်ပိုင်းအဖြစ် သီရိလင်္ကာအစိုးရထံ နည်းပညာမြင့်ကိရိယာများကို မေ ၄ ရက်က လှူဒါန်းခဲ့ကြောင်း သီရိလင်္ကာနိုင်ငံရှိ ဟွာဝေးရုံးခွဲမှ ထုတ်ပြန်ချက်အရ သိရသည်။

မြင့်မားသောရုပ်ထွက်ကြည်လင်မှုဗီဒီယို ကွန်ဖရင့်စနစ်ငါးခုနှင့် ကိုယ်ခန္ဓာအပူချိန်ကို တိတိကျကျတိုင်းတာပေးနိုင်သော ကင်မရာ ခြောက်ခု ပါဝင်သည့် လှူဒါန်းပစ္စည်းများအား သီရိလင်္ကာနိုင်ငံ ဝန်ကြီးချုပ် မာဟင်ဒါ ရာဂျာပတ်ဆာ (Mahinda Rajapaksa) က လွှဲပြောင်းလက်ခံခဲ့သည်။ 

ယခုလို စိန်ခေါ်မှုရှိသောကာလတွင် တန်ဖိုးရှိ ICT ကဏ္ဍများကို မြင်တွေ့ရသည့်အတွက် ကျေးဇူးတင်ကြောင်းနှင့် ဟွာဝေး၏ အချိန်မီကူညီထောက်ပံ့မှုအတွက် ကျေးဇူးတင်ကြောင်း ဝန်ကြီးချုပ် မာဟင်ဒါ ရာဂျာပတ်ဆာက လှူဒါန်းပစ္စည်းလွှဲပြောင်းခြင်းအခမ်းအနားတွင် ပြောကြားခဲ့သည်။

သီရိလင်္ကာနိုင်ငံရှိ ဟွာဝေးကုမ္ပဏီ အမှုဆောင်အရာရှိချုပ် လျန်ရီက ဟွာဝေးအနေဖြင့် ICT နည်းပညာများသည် လက်ရှိအခြေအနေများတွင် အရေးပါသော အခန်းကဏ္ဍမှ ပါဝင်လိမ့်မည်ဟု ယုံကြည်ကြောင်း ပြောကြားခဲ့သည်။

“ဟွာဝေးက လှပတဲ့ ကျွန်းနိုင်ငံကို ကပ်ရောဂါတိုက်ဖျက်ရေး အနိုင်ရရန် ကူညီဖို့နဲ့ ပျော်ရွှင် ရောင့်ရဲမှုတွေကို ပြည်သူတွေရဲ့ ဘဝတေွဆီ ပြန်လည်ယူဆောင်ပေးဖို့ နောက်ဆုံးပေါ်နည်းပညာတွေနဲ့ ဆက်လက်ထောက်ပံ့သွားမယ်” ဟု လျန်က ပြောခဲ့သည်။ သီရိလင်္ကာနိုင်ငံတွင် COVID-19 ရောဂါ ကူးစက်ခံရသူ ၇၀၀ ကျော်ရှိပြီး သေဆုံးသူ ၈ ဦးရှိပြီဖြစ်ကြောင်း အချက်အလက်များအရ သိရသည်။  (Xinhua) 

ဆိုးလ်၊ မေ ၄ ရက်(ဆင်ဟွာ) 

တောင်ကိုရီးယားနိုင်ငံတွင် COVID-19 ရောဂါကို အတိုင်းအတာတစ်ခုအထိ ထိန်းချုပ်နိုင်ပြီဖြစ် သောကြောင့် မေ ၆ ရက်မှစ၍ လူမှုဘဝပုံစံများကို ပုံမှန်ပြန်လည်လည်ပတ်သွားရင်း ရောဂါ ကာကွယ်ရေးလုပ်ငန်းများကို တစ်ပြေးညီလုပ်ဆောင်သွားမည်ဖြစ်ကြောင်း   တောင်ကိုရီးယားနိုင်ငံ ဝန်ကြီးချုပ် Chung Sye-kyun က မေ ၃ ရက်တွင် ကြေညာခဲ့သည်။

ပေကျင်း၊ မေ ၄ ရက်(ဆင်ဟွာ)

COVID-19 ရောဂါ ပြည်တွင်း၌ ကူးစက်ပျံ့နှံမှုကို ထိန်းချုပ်တားဆီးရန်အတွက် ဂျပန်နိုင်ငံ ဝန်ကြီးချုပ် ရှင်ဇိုအာဘေးက နိုင်ငံ၏အရေးပေါ်အခြေအနေကို မေ ၃၁ ရက် အထိ တိုးမြှင့်သတ်မှတ်ရန်ရှိကြောင်း ဂျပန်နိုင်ငံ အစိုးရ အရာရှိတစ်ဦးက မေ ၃ ရက်တွင် ပြောကြားခဲ့သည်။ 

ဝါရှင်တန် ၊ မေ ၃ ရက်(ဆင်ဟွာ)

COVID-19 သည် လူသားတို့ ဖန်တီးထားသောရောဂါဖြစ်ပြီး ဓာတ်ခွဲခန်းတစ်ခုမှ ထွက်ပေါ်လာခြင်းဖြစ်နိုင်သည်ဟူသော အချို့အမေရိကန်နိုင်ငံရေးသမားများ နှင့် မီဒီယာများ၏ မကြာသေးမီက ပြောဆိုချက်များအတွက် မည်သည့် “ သိပ္ပံ အထောက်အထားမျှ မရှိ” ကြောင်း သိပ္ပံပညာရှင်းများက ထုတ်ဖော်ပြောကြားခဲ့သည်။

ဘာလင်၊ မေ ၃ ရက်(ဆင်ဟွာ) 

တစ်ကမ္ဘာလုံးလက်တွဲပူးပေါင်းကာ COVID-19 ကာကွယ်ဆေး သုတေသနပြု ထုတ်လုပ်ကြရန် ဂျာမနီဝန်ကြီးချုပ် အိန်ဂျလာမာကဲလ်က ဧပြီ ၂ ရက်တွင် ရုပ်မြင်သံကြားမှတစ်ဆင့် တိုက်တွန်းပြောကြားခဲ့သည်။ 

ဆစ်ဒနီ၊ မေ ၂ ရက် (ဆင်ဟွာ)

ခီရီဘာတီနိုင်ငံတွင် COVID-19 တိုက်ဖျက်ရေးအတွက် ကူညီရန် တရုတ်နိုင်ငံ၏ အကူအညီတစ်စိတ်တစ်ပိုင်းအဖြစ် ပထမအသုတ် ဆေးဘက်ဆိုင်ရာ အထောက်အကူပစ္စည်းများကို ခီရီဘာတီနိုင်ငံက မေ ၁ ရက်တွင် လက်ခံရရှိခဲ့ကြောင်း သိရသည်။ 

မော်စကို၊ မေ ၁ ရက် (ဆင်ဟွာ)

ရုရှားနိုင်ငံ ဝန်ကြီးချုပ် မီခေးလ် မီရှုစတင် (Mikhail Mishustin) သည် COVID-19 ရောဂါကူးစက်ခံနေရကြောင်း ကရင်မလင်နန်းတော်က ဧပြီ ၃၀ ရက်တွင် ပြောကြားလိုက်သည်။

ပါရီ၊ ဧပြီ ၃၀ ရက် (ဆင်ဟွာ)

Bill & Melinda Gates Foundation ပူးတွဲဥက္ကဋ္ဌ ဘီလ်ဂိတ်အား ပြင်သစ်နိုင်ငံ Le Figaro သတင်းစာက  သီးသန့် တွေ့ဆုံမေးမြန်းခဲ့သည့် အင်တာဗျူးဆောင်ပါးကို ဧပြီ ၂၈ ရက်တွင် ဖော်ပြခဲ့ကြောင်း သိရသည်။ 

နယူးယောက် ၊ ဧပြီ ၃၀ ရက် (ဆင်ဟွာ)

အမေရိကန် နိုင်ငံ Johns Hopkins တက္ကသိုလ် ၏ ဧပြီ ၂၉ ရက် ထုတ်ပြန်ကြေညာချက် အရ အမေရိကန် နိုင်ငံ တွင် COVID-19 ရောဂါကြောင့် သေဆုံးသူ စုစုပေါင်း ၆ သောင်းကျော် အထိ ရောက်ရှိလာ ခဲ့ကြောင်း သိရှိရသည်။

လော့စ်အိန်ဂျလိစ် ၊ ဧပြီ ၃၀ ရက် (ဆင်ဟွာ)

အမေရိကန် နိုင်ငံ ကယ်လီဖိုးနီးယား ပြည်နယ် ရှိ အကျဉ်းထောင် တစ်ခု တွင် အကျဉ်းသား ၄၀၀ ကျော် COVID-19 ရောဂါ ကူးစက်ခံရ ကြောင်း စစ်ဆေးတွေ့ရှိခဲ့ရာ ယင်းသည် အမေရိကန် နိုင်ငံ အကျဉ်းထောင်များအနက် ကပ်ရောဂါ အဆိုးရွားဆုံး ဖြစ်ပွား သည့် အကျဉ်းထောင် တစ်ခု ဖြစ် လာကြောင်း သိရှိရသည်။