ဗီယင်ကျန်း၊ ဇွန် ၁၉ ရက် (ဆင်ဟွာ) 

လာအိုနိုင်ငံ ဗီယင်ကျန်းမြို့တော် မြောက်ပိုင်း ဆင်ခြေဖုန်းတွင် တရုတ်-လာအို ရထားလမ်းအတွက် ပထမဆုံး ဆက်ရာမရှိသောရထားသံလမ်းများကို တရုတ်နိုင်ငံ ရထားလုပ်ငန်း အမှတ် ၂ အင်ဂျင်နီယာအဖွဲ့ (CREC-2) က ဇွန် ၁၈ ရက်တွင် ဂဟေဆော်ခဲ့ကြောင်း သိရသည်။ 

တိုကျို ၊ ဇွန် ၁၈ ရက်(ဆင်ဟွာ) 

ဂျပန်နိုင်ငံ တရားရေး ဝန်ကြီးဟောင်း Kawai Katsuyuki နှင့် ၎င်း၏ ဇနီးဖြစ်သူ ဥပဒေပြုအမတ် Anri Kawai တို့ နှစ်ဦးစလုံးကို ရွေးကောက်ပွဲ ဥပဒေချိုးဖောက်မှု စွပ်စွဲချက်ဖြင့် အစိုးရရှေ့နေများက ဖမ်းဆီးအရေးယူလိုက်ကြောင်း ဒေသတွင်း မီဒီယာများက ယနေ့ဇွန် ၁၈ ရက်တွင် ဖော်ပြခဲ့ကြသည်။ 

ပြုံယမ်း ၊ ဇွန် ၁၇ ရက်(ဆင်ဟွာ)

မြောက်ကိုရီးယားနိုင်ငံ(DPRK) က ၎င်းတို့၏ တပ်ဖွဲ့ဝင်များကို ယခင်-စစ်မဲ့ဇုန် (Kaesong စက်မှုဇုန်) နှင့် Kumgang တောင်တန်းဒေသများတွင် မကြာမီကာလအတွင်း တပ်ချထားမည်ဖြစ်ကြောင်း ယနေ့ ဇွန် ၁၇ ရက်တွင် ထုတ်ပြန်ကြေညာခဲ့သည်။

မနီလာ ၊ ဇွန် ၁၆ ရက်(ဆင်ဟွာ) 

ဖိလစ်ပိုင်နိုင်ငံ၌ ယခုနှစ် ပထမငါးလတွင် သွေးလွန်တုပ်ကွေးရောဂါ ဖြစ်ပွားသူ အရေအတွက်သည် ပြီးခဲ့သော ၂၀၁၉ ခုနှစ် အလားတူကာလနှင့် နှိုင်းယှဉ်ပါက ၄၉ ရာခိုင်နှုန်း ကျဆင်းသွားခဲ့ကြောင်း ကျန်းမာရေး ဦးစီးဌာနက ဇွန် ၁၅ ရက်တွင် ပြောကြားခဲ့သည်။ 

ကာတာ ၊ ဇွန် ၁၅ ရက်(ဆင်ဟွာ) 

အင်ဒိုနီးရှား လေတပ်မှ တိုက်လေယာဉ်တစ်စင်းသည် အင်ဒိုနီးရှားနိုင်ငံ အနောက်ပိုင်း Riau ပြည်နယ်၌ ယနေ့တွင် ပျက်ကျသွားခဲ့ကြောင်း ၊ သို့သော် ထိခိုက်သေဆုံးမှု မရှိကြောင်း အင်ဒိုနီးရှားလေတပ်မှ ပြောရေးဆိုခွင့်ရှိသူ ပထမလေတပ်ဦးစီးချုပ် Fajar Adriyanto က ပြောကြားခဲ့သည်။ 

ရင်ချွမ်း ၊ ဇွန် ၉ ရက်(ဆင်ဟွာ)

တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ် ဖြစ်သူ သမ္မတ ရှီကျင့်ဖိန်က  တရုတ်နိုင်ငံ အနောက်မြောက်ပိုင်း နင်းရှဟွေ ကိုယ်ပိုင်အုပ်ချုပ်ခွင့်ရဒေသ ဝူကျုံးမြို့ ၊ Litong ခရိုင်၏ Jinhuayuan ကျေးရွာသို့ ဇွန် ၈ ရက်တွင် သွားရောက်စဉ် လူမှုအသိုက်အဝန်း စေတနာ့ဝန်ထမ်းများ၏ လုပ်ဆောင်ချက်များအပေါ် ချီးကျူးဂုဏ်ပြုစကားဆိုခဲ့သည်။ 

နယူးယောက် ၊ ဇွန် ၉ ရက်(ဆင်ဟွာ)

မြောက်ကိုရီးယားနိုင်ငံက တောင်ကိုရီးယားနိုင်ငံနှင့် ပြုလုပ်ထားသော ဆက်သွယ်ရေး နှင့် ဆက်ဆံရေး လမ်းကြောင်း အားလုံးကို ဖြတ်တောက်ပစ်တော့မည်ဟု မြောက်ကိုရီးယားနိုင်ငံပိုင် KCNA သတင်းဌာနက ထုတ်ပြန်ခဲ့သည်။ 

ဘန်ကောက် ၊ ဇွန် ၈ ရက်(ဆင်ဟွာ)

ထိုင်းနိုင်ငံတောင်ပိုင်းတွင် တာဝန်ထမ်းဆောင်နေသည့် ခရီးသွားရဲတပ်ဖွဲ့မှ ရဲဗိုလ်ချုပ်တစ်ဦးအား တပ်ဖွဲ့ပိုင် ရဟတ်ယာဉ်ကို ကိုယ်ကျိုးအတွက် မလျော်သုံးစွဲမှုဖြင့် ဇွန် ၇ ရက်တွင် နယ်ပြောင်းပြစ်ဒဏ် ချမှတ်လိုက်ကြောင်း သိရသည်။

နခွန်ဆရီသန်မာရတ်(Nakhon Sri Thammarat)ပြည်နယ်အတွင်းရှိ Ai Khai ဘုရားကျောင်းပရဝဏ်၌ မကြာသေးမီက ကျင်းပပြုလုပ်ခဲ့သည့် သီးသန့် ရွတ်ဖတ်သရဇ္စျာယ်ဆုတောင်းပွဲသို့ တပ်ဖွဲ့ပိုင် ရဟတ်ယာဉ်ကို အသုံးပြု၍ သွားရောက်ခဲ့ခြင်းကြောင့် ဟတ်ရိုင်(Hat Yai) အခြေစိုက် အမှတ်(၃) ခရီးသွားရဲတပ်ဖွဲ့မှ တပ်မှူး ရဲဗိုလ်ချုပ် Kritsasak Soongmulnark အား အခြား အရေးမပါသော ဌာနတစ်ခုသို့ ပြောင်းရွှေ့အပြစ်ပေးလိုက်ခြင်းဖြစ်ကြောင်း ဒုတိယရဲချုပ်၏ ပြောရေးဆိုခွင့်ရှိသူ ရဲမှူးကြီး Krissana Pattanacharoen က ဆိုသည်။

ရဟတ်ယာဉ်ဆင်းသက်ခဲ့သော ဘုရားကျောင်းပုရဝဏ် မြေပြင်ပေါ်တွင် ရွတ်ဖတ်ဆုတောင်းပွဲပြုလုပ်နေစဉ် မီးရှူးမီးပန်း သုံးသန်း ပစ်လွှတ်ခဲ့ကြောင်း ၊ ပုံမှန်အားဖြင့် ယင်းနေရာကို တာဝန်ရှိသူများ၏ ကားရပ်နားရန်သာ အသုံးပြုလေ့ရှိကြောင်း သိရသည်။ 

အဆိုပါ ဖြစ်စဉ်အား ခုနှစ်ရက်အတွင်း စုံစမ်းစစ်ဆေးရန် ခရီးသွားရဲတပ်ဖွဲ့ တပ်ဖွဲ့မှူး ရဲဒုတိယဗိုလ်ချုပ်ကြီး Chettha Komolwattana က ရဲကော်မတီတစ်ရပ်ကိုဖွဲ့စည်းရန် အမိန့်ပေးထားကြောင်း ရဲမှူးကြီး Krissana က ဆိုသည်။(Xinhua) 

မနီလာ၊ ဇွန် ၅ ရက် (ဆင်ဟွာ)

ဖိလစ်ပိုင်နိုင်ငံဆိုင်ရာ တရုတ်နိုင်ငံ သံရုံးက COVID-19 ရောဂါကြောင့် ထိခိုက်ခံစားခဲ့ရသည့် မနီလာမြို့ ဒေသခံများအတွက် ဆန်နှင့် စည်သွပ်ဘူးကဲ့သို့ အဓိကစားသောက်ကုန်များပါဝင်သည့် “ချစ်ကြည်ရေးလွယ်အိတ်” ၅,၀၀၀ ကို ဇွန် ၄ ရက်က လှူဒါန်းခဲ့ကြောင်း သိရသည်။

ဘန်ကောက် ၊ ဇွန် ၅ ရက်(ဆင်ဟွာ) 

ထိုင်းနိုင်ငံ၏ လယ်ယာစိုက်ပျိုးရေး နှင့် သမဝါယမ ဝန်ကြီးဌာနက နိုင်ငံ နှင့် ဒေသ ၁၉၀ မှ ဝယ်ယူသူ သန်း၂၆၀ ကျော်ကို ဆွဲဆောင်ရန် ရည်ရွယ်၍ အွန်လိုင်းဈေးကွက်အတွင်းသို့ ဝင်ရောက်ရန် တရုတ် e-commerce ကုမ္ပဏီကြီးဖြစ်သည့် အလီဘာဘာအုပ်စု(Alibaba Group)နှင့် ဆွေးနွေးနေကြောင်း မီဒီယာများအား ဇွန် ၄ ရက်တွင် ပြောကြားခဲ့သည်။