Top Stories

 

ပေကျင်း၊မေ ၆ ရက်(ဆင်ဟွာ)

တရုတ်နိုင်ငံ၏ သင်္ဘောတည်ဆောက်ရေးလုပ်ငန်းသည် ယခုနှစ် ပထမသုံးလပတ်တွင် ခိုင်မာစွာ တိုးတက်နေသည်ကိုတွေ့ခဲ့ရပြီး တစ်ချိန်တည်းမှာပင် အပြီးသတ်တည်ဆောက်ပေးနိုင်ခြင်း ပမာဏမှာလည်း ကြီးမားသော ကမ္ဘာ့ရှယ်ယာကို ဆက်လက်ထိန်းသိမ်းထားကြောင်း နှင့် အမှာစာသစ်များကိုလည်း ဆက်လက်လက်ခံရရှိနေကြောင်း တရားဝင်ကိန်းဂဏန်းများအရ သိရသည်။

ရန်ကုန်၊ ဧပြီ ၃ ရက် (ဆင်ဟွာ)

ကပ္ပလီပင်လယ်ပြင်မြောက်ပိုင်းတွင် ဖြစ်ပေါ်နေသော မုန်တိုင်းငယ်သည် မြန်မာနိုင်ငံ မြိတ်မြို့၏ အနောက်-အနောက်တောင်ဘက် ရေမိုင်(၁၁၀) မိုင်ခန့်၊ ထားဝယ်မြို့၏ အနောက်တောင်ဘက် ရေမိုင် (၁၄၀) မိုင်ခန့်၊ ကိုကိုးကျွန်းမြို့၏ အရှေ့တောင်ဘက် ရေမိုင် (၂၃၅) မိုင်ခန့်နှင့် ရန်ကုန်မြို့ ၏ တောင်-အရှေ့တောင်ဘက် ရေမိုင် (၂၇၅) မိုင်ခန့်အကွာ ပင်လယ်ပြင်ကို ဗဟိုပြုနေသောကြောင့် လိမ္မော်ရောင်အဆင့် သတ်မှတ်ကြောင်း၊ ဧပြီ ၃ ရက်နောက်ပိုင်းတွင် မုန်တိုင်းငယ်အဆင့်မှ အားပျော့သွားနိုင်သည်ဟု ခန့်မှန်းရကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန အထက်မြန်မာပြည် ညွှန်ကြားရေးမှူး ဦးကျော်လွင်ဦးက ဆင်ဟွာသို့ ဧပြီ ၃ ရက်တွင် ပြောသည်။

 

ရန်ကုန်၊ ဖေဖော်ဝါရီ ၆ ရက် (ဆင်ဟွာ) ရေးသားသူ/အိမွန်ကျော်

ရှမ်းပြည်နယ်မြောက်ပိုင်း၊ ကိုးကန့်ကိုယ်ပိုင်အုပ်ချုပ်ခွင့်ရ‌ဒေသ ဦးစီးအဖွဲ့ အလုပ်အမှုဆောင်ကော်မတီဝင်ဟောင်းစီးနင်းလာသော ယာဉ်တန်းကို MNDAAအဖွဲ့တိုက်ခိုက်သဖြင့် နှစ်ဖက်အပြန်အလှန်ထိတွေ့မှုဖြစ်ပြီး ရဲနှင့်အရပ်သား ၁၂ ဦးသေဆုံးပြီး ၁၃ ဦးဒဏ်ရာရရှိခဲ့ကြောင်း တပ်မတော်သတင်းမှန်ပြန်ကြားရေးအဖွဲ့က ထုတ်ပြန်သောသတင်းအရ သိရသည်။

ရှန်ဟိုင်း၊ မေ ၈ ရက် (ဆင်ဟွာ)


တရုတ်နိုင်ငံ၏ သုတေသန ရေခဲပြင်ခွဲသင်္ဘော Xuelong 2 သို့မဟုတ် နှင်းနဂါး ၂ သည် နိုင်ငံ၏ ၃၇ ကြိမ်မြောက် အန္တာတိတ်ဒေသ စူးစမ်းလေ့လာရေးခရီးစဉ်အား မေ ၇ ရက်တွင် အဆုံးသတ်ခဲ့ပြီး ရှန်ဟိုင်းမြို့ရှိ မိခင်ဆိပ်ကမ်းသို့ ပြန်လည်ရောက်ရှိလာခဲ့ကြောင်း သိရသည်။

ရှီးချန်း၊ မေ ၇ ရက် (ဆင်ဟွာ)

တရုတ်နိုင်ငံသည် အဝေးထိန်းအာရုံခံစနစ်သုံးဂြိုဟ်တုတစ်စုအား မေ ၇ ရက် တွင် ဂြိုဟ်ပတ်လမ်းကြောင်းအတွင်းသို့ နိုင်ငံအနောက်တောင်ပိုင်း စီချွမ်းပြည်နယ် ရှီးချန်း ဂြိုဟ်တုလွှတ်တင်ရေးစင်တာမှ အောင်မြင်စွာလွှတ်တင်နိုင်ခဲ့ကြောင်း သိရသည်။ Yaogan-30 အမျိုးအစားဖြစ်သော အဆိုပါဂြိုဟ်တုများအား ပေကျင်းစံတော်ချိန် နံနက် ၂ နာရီ ၁၁ မိနစ်တွင် Long March-2C သယ်ဆောင်ရေးဒုံးပျံဖြင့် လွှတ်တင်ခဲ့ခြင်း ဖြစ်သည်။

ရှီးအန်း၊ မေ ၇ ရက် (ဆင်ဟွာ)
လျှပ်စစ်ရေနွေးအိုး၊ Fiber optic modems၊ ကလေးစက်ဘီး စသည့် ကုန်ပစ္စည်း အတွဲ (၅၀) တင်ဆောင်ထားသည့် X8155 တရုတ်-ဥရောပ ရထား(ရှီးအန်း)သည် မေ ၆ ရက်က တရုတ်နိုင်ငံ ဆန်ရှီးပြည်နယ် ရှီးအန်းနိုင်ငံတကာဆိပ်ကမ်းမှ ထွက်ခွါခဲ့သည်။ ထိုပို့ဆောင်မှုသည် ၂၀၂၁ ခုနှစ် တရုတ်-ဥရောပ ရထား(ရှီးအန်း) ပို့ဆောင်မှု၏ ရထားတွဲရေ (၅)သောင်းကျော် ရှိစေခဲ့ခြင်း ဖြစ်သည်။

ရန်ကုန်၊ ဖေဖော်ဝါရီ ၅ ရက် (ဆင်ဟွာ) ရေးသားသူ/ အေးလပြည့်

မြန်မာ့ရွှေဈေးတစ်ကျပ်သားလျှင် ကျပ် ၁,၄၁၀,၀၀၀ အထိ ရက်ပိုင်းအတွင်း ဈေးနှုန်းမြင့်တက်သွားသောကြောင့် ရွှေဈေးနှုန်းအားထိန်းနိုင်ရန် ရန်ကုန်တိုင်းဒေသကြီးရွှေလုပ်ငန်းရှင်များအသင်းအနေဖြင့် ရွှေဈေးနှုန်းတည်ငြိမ်ရေး အရေးပေါ်အစည်းအဝေးကျင်းပခဲ့ပြီး ဆုံးဖြတ်ချက် (၄) ရပ်ချမှတ်၍ ဆောင်ရွက်လျက်ရှိကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်း ဥက္ကဌ ဦးမျိုးမြင့်က ဆင်ဟွာသို့ ဖေဖော်ဝါရီ ၅ ရက်တွင်ပြောသည်။

ရန်ကုန်၊ ဇန်နဝါရီ ၃၀ ရက် (ဆင်ဟွာ) ရေးသားသူ/အေးလပြည့်

ကျပ်ငွေဖြင့် ရောင်းချသည့် ကျောက်မျက်ရတနာပြပွဲအား COVID-19 ရောဂါအခြေအနေပေါ်မူတည်၍ နေပြည်တော်ရှိ မဏိရတနာ ကျောက်စိမ်းခန်းမ၌ ၂၀၂၁ ခုနှစ် မတ်လတွင် ကျင်းပခွင့်ရရှိရန် ပြည်ထောင်စုအစိုးရအဖွဲ့သို့ တင်ပြသွားမည်ဖြစ်ကြောင်း၊ မြန်မာနိုင်ငံ ကျောက်မျက်ရတနာလုပ်ငန်းရှင်များအသင်းချုပ် ၊ ဒုတိယဥက္ကဋ္ဌ ဦးဇော်ဘိုခန့် ကဆင်ဟွာသို့ ဇန်နဝါရီ ၃၀ ရက်တွင်ပြောသည်။

ရန်ကုန်၊ ဇန်နဝါရီ ၂၈ ရက် (ဆင်ဟွာ) ရေးသားသူ/အေးလပြည့်

မြန်မာနိုင်ငံ ခရီးသွားလုပ်ငန်းရှင်များအသင်း အနေဖြင့် ခရီးသွားကဏ္ဍ စနစ်တကျပြန်လည်ဦးမော့ရန်ဖော်ဆောင်သည့် အနေ
ဖြင့် ဧရာဝတီတိုင်းဒေသကြီး ရှိ ကမ်းခြေများသို့ ယာဉ်တန်းဖြင့် သွားရောက်မည့်ခရီးစဉ်တစ်ခု ဖော်ဆောင်ရန် ဧရာဝတီတိုင်းဒေသကြီးအစိုးရအဖွဲ့ ထံ တင်ပြထားကြောင်း မြန်မာနိုင်ငံ ခရီးသွားလုပ်ငန်းရှင်များအသင်း ဥက္ကဋ္ဌ ဦးနောင်းနောင်းဟန်က ဆင်ဟွာသို့ ဇန်နဝါရီ ၂၈ ရက်တွင်ပြောသည်။