ရန်ကုန်၊ သြဂုတ် ၂၀ ရက် (ဆင်ဟွာ) 

တရုတ်နိုင်ငံက " ငဘ" မြန်မာ့ရုပ်ရှင် အတွက် ဒီဂျစ်တယ်နည်းဖြင့်ကူညီပြုပြင်ပေးမည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံး က သြဂုတ် ၂၀ ရက်တွင် သတင်းထုတ်ပြန်သည်။

ရန်ကုန် ၊ ဇန်နဝါရီ ၃၀ ရက်(ဆင်ဟွာ)

ရန်ကုန်မြို့ ၊ လသာ မြို့နယ် စဉ့်အိုးတန်းလမ်း(အထက်)၌ ကျင်းပသည့် ၁၅ ကြိမ်မြောက် တရုတ် ရိုးရာ ခြင်္သေ့ ၊ နဂါး အက အလှ စွမ်းရည် ပြိုင်ပွဲတွင် နိုင်ငံတကာ ဖိတ်ခေါ် ပြိုင်ပွဲ အဖြစ် တရုတ်ရိုးရာ ခြင်္သေ့ စွမ်းရည် ပြိုင်ပွဲ ဗိုလ်လုပွဲ ပွဲစဉ်များကို ဇန်နဝါရီ ၂၉ ရက်က ကျင်းပ ပြုလုပ်ရာ L.D.C.R(C) အသင်းက ချန်ပီယံဆု ရရှိသွားခဲ့သည်။ 

ရန်ကုန် ၊ ဇန်နဝါရီ ၂၇ ရက်(ဆင်ဟွာ)

ရန်ကုန်မြို့ ၊ လသာ မြို့နယ် စဉ့်အိုးတန်းလမ်း(အထက်)၌ ၁၅ ကြိမ်မြောက် တရုတ် ရိုးရာ ခြင်္သေ့ ၊ နဂါး အက အလှ စွမ်းရည် ပြိုင်ပွဲကို ဇန်နဝါရီ ၂၆ ရက်တွင် ဖွင့်ပွဲ အခမ်းအနား နှင့် အတူ စတင် ဖွင့်လှစ် ကျင်းပခဲ့သည်။“ဒီနှစ်ကတော့ ထူးထူးခြားခြားအနေနဲ့ တရုတ်ပြည်က ပေ ၁၆၀ ရှိတဲ့ နဂါးအရှည် မှာယူပြီး ဒီနှစ်သစ်ကူး ပွဲတော် မှာ လာရောက် သရုပ်ပြမှာ ဖြစ်ပါတယ်။ ၁၅ ကြိမ်မြောက်မှာ ထူးထူးခြားခြား အနေနဲ့ တရုတ်နိုင်ငံက နှစ်သင်း ၊ ထိုင်းနိုင်ငံ နှစ်သင်း လာရောက်ယှဉ်ပြိုင်မှာ ဖြစ်ပါတယ်။ မြန်မာနိုင်ငံအနေက ခြင်္သေ့ပြိုင်ပွဲဝင် ၁၄သင်း ယှဉ်ပြိုင် မှာ ဖြစ်ပြီး နိုင်ငံခြားအသင်းအနေနဲ့ ၄ သင်း ဝင်ရောက် ယှဉ်ပြိုင်မှာ ဖြစ်ပါတယ်။ ပြည်တွင်း နဂါး အရှည် ပြိုင်ပွဲ အနေနဲ့ စုစုပေါင်း ၉သင်း ယှဉ်ပြိုင်မှာ ဖြစ်ပါတယ်။”ဟု မြန်မာနိုင်ငံ ခြင်္သေ့ ၊ နဂါး အဖွဲ့ချုပ် ဥက္ကဋ္ဌ ဦးကျော်ကျော်က ဆင်ဟွာသို့ ပြောကြားခဲ့သည်။

ရန်ကုန် ၊ ဇန်နဝါရီ ၂၅ ရက်(ဆင်ဟွာ)

၂၀၂၀ ပြည့်နှစ် တရုတ်ရိုးရာ နှစ်သစ်ကူးပွဲတော်အား ရန်ကုန်မြို့ ၊ လသာမြို့နယ်ရှိ တရုတ်တန်း တစ်လျောက်၌ ယနေ့ ဇန်နဝါရီ ၂၅ ရက်တွင် ပွဲတော် ဖွင့်ပွဲ အခမ်းအနား နှင့် အတူ စည်ကားသိုက်မြိုက်စွာဖြင့် စတင် ဖွင့်လှစ် ကျင်းပခဲ့ရာ ဒေသခံ ပြည်သူများ အပါအဝင် ပြည်ပမှ ခရီးသွား ဧည့်သည်များပါ ပျော်ရွှင်စွာ ပါဝင် ဆင်နွဲလျက် ရှိသည်။

ရန်ကုန်၊အောက်တိုဘာ ၂၇ရက်(ဆင်ဟွာ)

ဒုတိယအကြိမ်မြောက် မြန်မာနိုင်ငံတောင်ပိုင်း တရုတ်ဘာသာစကား ပြဇာတ်ပြိုင်ပွဲကို အောက်တိုဘာ ၂၇ ရက်က ရန်ကုန်မြို့ တရုတ်ယဉ်ကျေးမှုစင်တာတွင် ကျင်းပရာ အရှေ့တိုင်းဘာသာစကားနှင့်စီပွားရေးစင်တာ (ELBC) ကွန်ဖြူးရှပ်တရုတ်စာသင်ကျောင်း ၊Fu Xing ကွန်ဖြူးရှပ်တရုတ်စာသင်ကျောင်း၊ ကျန့်ရို(CLBC)တရုတ်စာသင်ကျောင်း၊ MIEC စာသင်ကျောင်း၊ Yangon Noble Language Centerမှ ကျောင်းသားကျောင်းသူ  ၃၀ ကျော် သည် အဖွဲ့ငါးဖွဲ့ခွဲပါ၀င်ယှဉ်ပြိုင်ခဲ့ကြကြောင်း သိရသည်။

ရန်ကုန် ၊ စက်တင်ဘာ ၁၆ ရက်(ဆင်ဟွာ)

မြန်မာ-တရုတ် ရေနံနှင့်သဘာ၀ ဓာတ်ငွေ့ပိုက်လိုင်း တစ်လျှောက်ရှိ ဒေသခံ ပြည်သူ/သားများ တရုတ်ရုပ်ရှင် ယဉ်ကျေးမှုကို ပိုမို၍ သိရှိလာနိုင်ရန် ရည်ရွယ်၍ တရုတ်နိုင်ငံ CNPC ကုမ္ပဏီက မြန်မာ နောက်ခံ စကားပြော တရုတ်ရုပ်ရှင် ဇာတ်ကားများ ပြသသွားမည့် Open Air ရုပ်ရှင် ပွဲတော် ဖွင့်ပွဲ အခမ်းအနားအား ယနေ့စက်တင်ဘာ ၁၆ ရက်တွင် ရန်ကုန်မြို့၌ ကျင်းပခဲ့ရာ မြန်မာ-တရုတ် နှစ်နိုင်ငံ နယ်ပယ် အသီးသီးမှ တာဝန်ရှိသူများ တက်ရောက် ကြည့်ရှု အားပေးခဲ့ကြကြောင်း သိရသည်။

ရန်ကုန်၊စက်တင်ဘာ ၁၅ ရက်(ဆင်ဟွာ)

တရုတ်ပြည်သူ့သမ္မတနိုင်ငံတည်ထောင်သည့် နှစ်(၇၀)ပြည့်အထိမ်းအမှတ်တစ်ခုအနေဖြင့် “ကျွနု်ပ်နှင့် တရုတ်နိုင်ငံ” ဓါတ်ပုံပြပွဲနှင့် အဖွဲ့လိုက်သီချင်းဆို ပြိုင်ပွဲကိုယနေ့(စက်တင်ဘာလ ၁၅ ရက်)တွင် ရန်ကုန်မြို့ ယူနန်ဘုံကျောင်းခန်းမဆောင်တွင် ကျင်းပခဲ့ရာ မြန်မာနိုင်ငံဆိုင်ရာတရုတ်နိုင်ငံသံအမတ်ကြီးချန်းဟိုင်၊ သံမှူးကြီးယွီပြင်းကျန်း၊ ထန်စူးဖုနှင့် မြန်မာနိုင်ငံတရုတ်အမျိုးသားအသင်းအဖွဲ့များ၊ တရုတ်စာသင်ကျောင်းများမှ ကိုယ်စားလှယ်များ ၊ဖိတ်ကြားထားသောဧည့်သည်တော်များ ပါဝင်တက်ရောက်ကြည့်ရှုခဲ့ကြသည်။

ရန်ကုန် ၊ စက်တင်ဘာ ၁၄ ရက် (ဆင်ဟွာ)

“Memory of China” တရုတ် ဂန္တဝင် ဇာတ်ကား များ မြန်မာ နိုင်ငံ ရှိ ရုပ်သံလိုင်းများ တွင် စတင် ပြသ မည့် ဖွင့်ပွဲ အခမ်းအနား အား စက်တင်ဘာ ၁၄ ရက် နံနက်ပိုင်း အချိန်တွင် ရန်ကုန်မြို့ ရှိ Wyndham Grand ဟိုတယ် တွင် ကျင်းပ ပြုလုပ်ခဲ့ပြီး “အနောက်ဖက် သို့ ခရီးသွားခြင်း” အပါအဝင် တရုတ် ဂန္တဝင် ဇာတ်လမ်းတွဲများ နှင့် မှတ်တမ်း ရုပ်ရှင်များ ကို ရုပ်သံလိုင်းများ ၌ စတင် ပြသ ပေးသွားမည် ဖြစ်သည်။

ရန်ကုန်၊ စက်တင်ဘာ ၁၁ ရက်(ဆင်ဟွာ)

၂၀၁၉ ခုနှစ် “A Moment We Share” ဖျော်ဖြေပွဲ၊ ဒြပ်မဲ့ယဉ်ကျေးမှုနှင့် ရိုးရာအစားအစာ ပြပွဲ ဖွင့်ပွဲအခမ်းအနားကို ယနေ့ (စက်တင်ဘာ ၁၁ ရက်) နံနက်ပိုင်းက ရန်ကုန်မြို့ တရုတ်ယဉ်ကျေးမှု စင်တာတွင် ကျင်းပခဲ့ရာ ရန်ကုန်တိုင်းဒေသကြီး လွှတ်တော်ဥက္ကဋ္ဌ ဦးတင်မောင်ထွန်း၊ ဒုတိယဥက္ကဋ္ဌ ဦးလင်းနိုင်မြင့်၊ မြန်မာနိုင်ငံဆိုင်ရာ တရုတ်နိုင်ငံ သံရုံးမှ ယဉ်ကျေးမှု သံမှူး Mr.Pan Feng(ဦးဘုန်းကျော်)၊ မြန်မာနိုင်ငံသာသနာရေးနှင့် ယဉ်ကျေးမှုဝန်ကြီးဌာန ကိုယ်စား အမျိုးသား ယဉ်ကျေးမှုနှင့် အနုပညာ တက္ကသိုလ်(ရန်ကုန်)မှ ပါမောက္ခချုပ် ဦးအောင်နိုင်မြင့်၊ မြန်မာ-တရုတ် ချစ်ကြည်ရေးအသင်း ဥက္ကဋ္ဌ ဦးစိန်ဝင်းအောင်နှင့်အခြားဖိတ်ကြားထားသောဧည့်သည်တော်များ ၊ သတင်းမီဒီယာများအပါအဝင် စုစုပေါင်း လူ ၁၀၀ ကျော်ပါဝင် တက်ရောက်ခဲ့ကြကြောင်း သိရသည်။