ဘဂ္ဂဒက်၊ ဇန်နဝါရီ ၂၀ ရက် (ဆင်ဟွာ) ဘာသာပြန် - ခေါန်ရိန်

အီရတ်နိုင်ငံက COVID-19 ကပ်ရောဂါ ပျံ့နှံ့မှုကို ထိန်းချုပ်ရေးအတွက် တရုတ်နိုင်ငံ၏ Sinopharm နှင့် ဗြိတိန်နိုင်ငံ၏ AstraZeneca ကာကွယ်ဆေးများကို အရေးပေါ်အသုံးပြုရန် ဇန်နဝါရီ ၁၉ ရက်က ခွင့်ပြုလိုက်ကြောင်း သိရသည်။

ပေကျင်း၊ ဇန်နဝါရီ ၁၇ ရက်(ဆင်ဟွာ) ဘာသာပြန်/မြတ်မြတ်ဦး

တရုတ်နိုင်ငံ ပြည်နယ်၊ဒေသ၊မြို့ ၃၁ ခု နှင့် ရှင်းကျန်းထုတ်လုပ်မှုနှင့်တည်ဆောက်ရေးတပ်ဖွဲ့၏ အစီရင်ခံချက်များအရ ဇန်နဝါရီ ၁၆ ရက် ၀၀:၀၀ နာရီ မှ ၂၄:၀၀ နာရီထိ တရုတ်နိုင်ငံ၌ ကိုဗစ် အသစ်ထပ်တိုးအတည်ပြုလူနာ ၁၀၉ ဦး ရှိရာ ၎င်းတို့အနက် ပြည်ပကူးစက်မှု ၁၃ ဦး (ရှန်ဟိုင်း ၄ ဦး၊ ဖူကျန့် ၂ ဦး၊ ကွမ်တုန်း ၂ ဦး၊ စီချွမ်း ၂ ဦး၊ ထျန်းကျင်း ၁ ဦး၊ ဆန်းတုန်း ၁ ဦး၊ ဟူနန် ၁ ဦး) ၊ ပြည်တွင်းကူးစက်မှု ၉၆ ဦး(ဟဲပေ ၇၂ ဦး၊ ဟေးလုံကျန်း ၁၂ ဦး၊ ကျီလင် ၁၀ ဦး၊ ပေကျင်း ၂ ဦး) ရှိပြီး ထပ်တိုး သေဆုံးသူ မရှိ နှင့် သံသယလူနာ ၁ ဦးရှိကြောင်း တရုတ်နိုင်ငံ အမျိုးသား ကျန်းမာရေးကော်မရှင်က ဇန်နဝါရီ ၁၇ ရက် တွင် ထုတ်ပြန်ခဲ့သည်။

ရှီးကျားကျွမ်း၊ ဇန်နဝါရီ ၁၆ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံမြောက်ပိုင်း ဟဲပေပြည်နယ် မြို့တစ်မြို့တွင် ဗဟိုကျန်းမာရေး စောင့်ကြည့်လေ့လာရေးစင်တာအတွက် ပထမအသုတ်အနေဖြင့် အခန်းပေါင်း ၁,၅၀၀ ကို ငါးရက်အတွင်း တည်ဆောက်ပြီးစီးခဲ့ကြောင်း ဒေသတွင်းတာဝန်ရှိသူများက ဇန်နဝါရီ ၁၆ ရက်က ပြောကြားခဲ့သည်။

ထျန်းကျင်း ၊ ဇန်နဝါရီ ၁၆ ရက် (ဆင်ဟွာ) ဘာသာပြန်/စိုးမိုး

ထျန်းကျင်းမြို့ ကာကွယ်ထိန်းချုပ်မှုညွှန်ကြားရေးဌာန၏ ပြောကြားချက်အရ ကူးစက်ရောဂါ ထိန်းချုပ်ရေးဌာန အနေဖြင့် ထျန်းကျင်းမြို့ တာချောင်တောက် စားသောက်ကုန်ထုတ်လုပ်ရေး ကုမ္ပဏီ၏ ရေခဲမုန့်ထုတ်လုပ်ရန် ယူကရိန်းနိုင်ငံမှ တင်သွင်းလာသော Whey အမှုန့်အား စစ်ဆေးခဲ့ရာတွင် နမူနာ ၃ ခု ၌ COVID-19 ရောဂါပိုးအား စစ်ဆေးတွေ့ရှိခဲ့ကြောင်း သိရှိရသည်။

ရှီးကျားကျွမ်း၊ ဇန်နဝါရီ ၁၅ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံမြောက်ပိုင်း ဟဲပေပြည်နယ် မြို့တော်ရှီးကျားကျွမ်းတွင် COVID-19 ရောဂါ လူအစုလိုက်ဖြစ်ပွားမှုကြောင့် ဗဟိုကျန်းမာရေးစောင့်ကြည့်လေ့လာရေး စင်တာတစ်ခုကို ဇန်နဝါရီ ၁၃ ရက်က စတင်တည်ဆောက်ခဲ့ကြောင်း သိရသည်။

ပေကျင်း၊ ဇန်နဝါရီ ၁၄ ရက် (ဆင်ဟွာ) ဘာသာပြန် - ခေါန်ရိန်

ကမ္ဘာ့ကျန်းမာရေးအဖွဲ့ (WHO) ၏ နိုင်ငံတကာကျွမ်းကျင်သူများအဖွဲ့သည် တရုတ်နိုင်ငံ ဝူဟန့်မြို့သို့ ဇန်နဝါရီ ၁၄ ရက်၌ ရောက်ရှိလာခဲ့ကြောင်း သိရသည်။

ပေကျင်း၊ ဇန်နဝါရီ ၁၁ ရက်(ဆင်ဟွာ) ဘာသာပြန်/မြတ်မြတ်ဦး

ကမ္ဘာ့ကျန်းမာရေးအဖွဲ့(WHO)၏ ကိုရိုနာဗိုင်းရပ်စ် ဇစ်မြစ် လေ့လာမှုဆိုင်ရာ နိုင်ငံတကာ သုတေသန ပညာရှင်အဖွဲ့ သည် ဇန်နဝါရီ ၁၄ ရက်တွင် တရုတ်နိုင်ငံသို့ လာရောက်မည်ဖြစ်ကြောင်း တရုတ်နိုင်ငံ အမျိုးသား ကျန်းမာရေးကော်မရှင် ဝဘ်ဆိုက်၏ ယနေ့(ဇန်နဝါရီ ၁၁ ရက်)ထုတ်ပြန်ချက်များအရ သိရသည်။

ပေကျင်း၊ ဇန်နဝါရီ ၁၀ ရက်(ဆင်ဟွာ) ဘာသာပြန်/မြတ်မြတ်ဦး

ကပ်ရောဂါထိန်းချုပ်ကာကွယ်ရေး၏ အရေးကြီးမှုနှင့်အရေးတကြီးလိုအပ်မှုအသိကို တိုးမြှင့်ရမည်ဖြစ်ကြောင်း၊ ဘက်စုံ အရေးပေါ်အခြေအနေတွင် အသင့်ပြင်ကာ ဟဲပေ ကပ်ရောဂါ ထိန်ချုပ်ရေးလုပ်ငန်းများကို မောင်းတင်ဆောင်ရွက်ပြီး ရောဂါပြန့်ပွားမှုကို ဖြတ်တောက်ရန် အစွမ်းကုန်ဆောင်ရွက်မည်ဖြစ်ကြောင်း တရုတ်နိုင်ငံ အမျိုးသားကျန်းမာရေးကော်မရှင် ညွှန်ကြားရေးမှူး မာရှောင်ဝေက ဇန်နဝါရီ ၈ ရက် ဟဲပေ ကပ်ရောဂါထိန်းချုပ်ရေးလုပ်ငန်း ဗွီဒီယိုအစည်းအဝေးတွင် အလေးထားပြောကြားခဲ့သည်။

ပေကျင်း၊ ဇန်နဝါရီ ၁၀ ရက်(ဆင်ဟွာ) ဘာသာပြန်/မြတ်မြတ်ဦး

ဆေးဝန်ထမ်း (၂၀) ဦးပါဝင်သည့် မော်တော်ယာဉ်နှင့် ဆေးဝါးကုသရေးအထောက်အပံ့ပစ္စည်းများ အပြည့်တင်ဆောင်ထားသော ကုန်တင်ယာဉ် နှစ်စီးသည် ဇန်နဝါရီ ၉ ရက် ညနေ ၂ နာရီ ၃၀ မိနစ်တွင် ပေကျင်း ထျန်းထန်ဆေးရုံမှ ဟဲပေပြည်နယ် နန်ကုန်းမြို့သို့ ထွက်ခွာခဲ့ကြောင်း သိရသည်။ ၎င်းမှာ ပေကျင်းမြို့ ကျန်းမာရေးကော်မရှင်၊ ပေကျင်းမြို့ ဆေးရုံအာဏာပိုင်အဖွဲ့က ရွေးချယ်စေလွှတ်ပြီး ပေကျင်း ထျန်းထန်ဆေးရုံ၏ ဆေးဝန်ထမ်း(၂၀)ဦးဖြင့် ဖွဲ့စည်းထားသော ပထမဆုံး ဟဲပေသို့ ကူညီအားဖြည့်ပေးရန် သွားရောက်သည့် Nucleic acid ဆေးစစ်အဖွဲ့ဖြစ်ကြောင်း သိရသည်။

ဟဲပေ၊ ဇန်နဝါရီ ၁၀ ရက်(ဆင်ဟွာ) ဘာသာပြန်/မြတ်မြတ်ဦး

တရုတ်နိုင်ငံ ဟဲပေပြည်နယ် ရှီကျားကျွမ်းမြို့၌ လူပေါင်း (၁၀.၂၅) သန်းကို ပထမအကြိမ် Nucleic acid စစ်ဆေးမှု ပြီးစီးခဲ့ရာတွင် positive လူနာ (၃၅၄) ဦး တွေ့ရှိခဲ့ရကြောင်း ဇန်နဝါရီ ၉ ရက်တွင် ပြုလုပ်သည့် ဟဲပေပြည်နယ် COVID-19 ကပ်ရောဂါ ကာကွယ်ထိန်းချုပ်ရေး လုပ်ငန်း သတင်းစာရှင်းလင်းပွဲ၌ ပြောကြားခဲ့သည်။